МАН-ын Удирдах зөвлөл хуралдаж, Засгийн газрын сайд нарыг хэлэлцэн, дэмжсэн байна. Л.Оюун-Эрдэнийн Засгийн газрын бүрэлдэхүүнд

• Шадар сайд - УИХ-ын гишүүн С.Амарсайхан

• Засгийн газрын Хэрэг эрхлэх газрын дарга - Ц.Нямдорж

• Байгаль орчин, аялал жуулчлалын сайд - Н.Уртнасан

• Хууль зүй, дотоод хэргийн сайд - Х.Нямбаатар

• Сангийн сайд - УИХ-ын гишүүн Б.Жавхлан

• Гадаад харилцааны сайд - Б.Батцэцэг

• Хөдөлмөр, нийгмийн хамгааллын сайд - А.Ариунзаяа

• Боловсрол, шинжлэх ухааны сайд - Л.Энх-Амгалан

• Барилга хот байгуулалтын сайд - Б.Мөнхбаатар

• Батлан хамгаалах яам - Г.Сайханбаяр

• Зам тээврийн хөгжлийн сайд - Л.Халтар

• Уул уурхай хүнд үйлдвэрийн сайд - Г.Ёндон

• Хүнс, хөдөө аж ахуй, хөнгөн үйлдвэрийн сайд - З.Мэндсайхан

• Эрчим хүчний сайд - Н.Тавинбэх

• Соёлын сайд - Ч.Номин

• Эрүүл мэндийн сайд - С.Энхболдыг томилохоор тус тус дэмжжээ. 

УИХ-ын чуулганы өнөөдрийн хуралдаанаар Засгийн газрын бүрэлдэхүүнийг батална.  Үндсэн хуульд нэмэлт өөрчлөлт оруулсан шинэ заалтаар 39 зүйлд: 

3. Монгол Улсын Ерөнхий сайд Засгийн газрын бүтэц, бүрэлдэхүүн, түүнд өөрчлөлт оруулах тухай хуулийн төслийг Ерөнхийлөгчтэй зөвшилцөн Улсын Их Хуралд өргөн мэдүүлнэ. Ерөнхий сайд энэ асуудлыг Ерөнхийлөгчтэй долоо хоногийн дотор зөвшилцөж чадаагүй бол Улсын Их Хуралд өөрөө өргөн мэдүүлнэ.

4. Засгийн газрын гишүүнийг Улсын Их Хурал, Ерөнхийлөгчид танилцуулснаар Ерөнхий сайд томилж, чөлөөлж, огцруулна. Засгийн газрын гишүүн Улсын Их Хуралд тангараг өргөнө.” гэж заасан. 

УИХ-ын дарга Г.Занданшатар өнөөдрийн чуулганы хуралдааны эхэнд "Засгийн газрын бүрэлдэхүүнийг батална" гэдгийг онцолсон. Намрын чуулган завсарлах хуулийн хугацаа тулсан, цар тахлын энэ үед Засгийн газрыг яаралтай ажилд нь оруулах цаг үеийн нөхцөл байдалтай холбогдуулан  Засгийн газрын бүрэлдэхүүнийг шуурхай батлахаар болжээ. Тиймээс тун удахгүй УИХ Засгийн газрын сайд нарыг танилцуулна, батална. 

Н.Энхлэн