Сүүлийн өдрүүдэд коронавируст халдварын тохиолдлын тоо огцом нэмэгдэж байна. Иймд Эрүүл мэндийн яамнаас Улсын Онцгой комисст хөл хорио тогтоох, үйлчилгээний газруудын үйл ажиллагаанд хязгаарлалт тогтоох саналыг хүргүүлжээ.

Энэ талаар ХӨСҮТ-ийн дэд захирал Э.Тэмүүлэн "Халдвар цочир нэмэгдэж байгаа учраас Эрүүл мэндийн яамнаас УОК-т 28 хоногийн хөл хорио тогтоох саналыг хүргэсэн. Хэрэв ийм боломж байхгүй бол үйлчилгээний газрын ажиллах цагийг богиносгох, 10-ээс дээш хүн цугларуулахгүй байх, фитнесс, караоке, цэнгээний газрын үйл ажиллагааг 14-21 хоногоор түр зогсоох санал хүргэсэн байгаа. 

Ард, олон нийтээс дэглэмээ барих, олон хүнтэй газраас зайлсхийх, орчны агаараа нэг цаг тутамд сэлгэж хувийн ариун цэврээ сайтар сахихыг салбараа төлөөлөн хичээнгүйлэн хүсч байна" гэлээ.