Мэргэжлийн хяналтын ерөнхий газрын Санхүү хөдөлмөр, нийгмийн хамгааллын хяналтын газраас Улсын хэмжээнд гарсан үйлдвэрлэлийн ослын судалгааг гаргажээ. Уг судалгаанд 2009-2011онд эрчим хүч, уул уурхай, хөдөө аж ахуй, барилга, хөнгөн хүнс, зам тээвэр холбоо, худалдаа үйлчилгээ, боловсрол, эрүүл мэнд гэх мэт бүхий л чиглэлээр үйл ажиллагаа явуулдаг аж ахуй нэгжүүд хамрагдсан байна. Судалгаанаас харахад 2009 онд үйлдвэрлэлийн ослоор нас барсан хүний тоо 54 байсан бол 2010 онд 80 болж өссөн байна. Харин өнгөрсөн онд 75 болж буурсан ч нийт ослын тоогоороо өссөн тоо гарчээ.