Монгол Улсаас гадны орнуудад томилогдож очсон Элчин сайд нарын тухай сайн мэдээ төдийлөн сонсогддоггүй. Тухайн оронд амьдарч буй иргэдээ хайхардаггүй, харьцдаггүйгээс эхлээд эх орныхоо нэрийг худалдаж хар тамхины хэрэгт орооцолддог муу нэртэй. 

Тэгвэл Монгол Улсаас Унгар улсад суугаа Элчин сайд З.Батбаяр чихэнд чимэгтэй мэдээ дуулгаж байна. Тэрбээр Унгар улсад суралцахаар энэ жил шинээр очсон оюутнуудад өөрийн биеэр Будапешт хотыг танилцуулж, тайлбарлаж өгчээ. Тэрбээр оюутнуудад парламентын ордон, Андрашши гүнгийн хөшөө, Дунай мөрний тухай сонирхолтой үүх түүх ярьж өгсөн гэнэ шүү. Хүний нутагт анх хөл тавьсан оюутнуудад Элчин сайдын энэ сэтгэл ихээхэн өмөг түшиг болсон нь мэдээж биз ээ.

Мөн тэрбээр Элчин сайдынхаа үүргийг гүйцэтгэж, Унгар улсын Засгийн газарт хүсэлт тавин 4.6 тэрбум төгрөгийн өртөг бүхий 33 ширхэг амьсгалын аппаратыг эх орондоо хандивлах ажлыг удирдан зохион байгуулсан билээ.

Элчин сайд гэдэг дэвшүүлсэн зайлуулсан хэн нэгэн дэлхийн улс орнуудад эх орноо сурталчлах, элэг нэгтнүүдээ харж хандах том үүрэгтэн гэдгийг З.Батбаяр сайд мэдэж ухамсарладаг нь сайшаалтай байна.

М.Хэрлэн