Нефть импортлогч компаниуд  авто бензиныхээ үнийг литр тутамд нь 260 төгрөгөөр нэмснийхээ дараахан  50 төгрөгөөр буулгаад байсан юм.  Засгийн газраас  үнээ үндэслэлгүйгээр хэт хөөрөгдсөн тус компаниудад хууль бусаар орсон орлогийнх нь   зургаан хувь  буюу  10 тэрбум төгрөгийн торгууль  ногдуулах шийдвэр гаргасан. Түүнчлэн   шатахууны үнийн өсөлтөөс үүдэлтэй үнийн хөөрөгдлийг эсэргүүцсэн иргэд орон даяар өнгөрөгч баасан гарагт жагсаал цуглаан зохион байгуулж эсэргүүцлээ илэрхийлсэн билээ. Энэ бүхний эцэст ирэх долоо хоногоос нефть импортлогч нэр бүхий найман компанийн удирлагууд бүтээгдэхүүний үнээ  30-40 төгрөгөөр буулгах болсноо албан ёсоор мэдэгдлээ. Ингэхдээ АИ92-ийг 17-30 төгрөг, АИ80-ийг 15-30 төгрөг, дизель түлшийг 18-30 төгрөгөөр бууруулахаар болжээ.     Одоогоор шатахуун түгээх станцууд дараах үнээр бүтээгдэхүүнээ  борлуулж байна. “Петровис” компани Аи-80-1500 Аи-92-1800 Аи-95-1850 ДТ-1950 “Сод монгол” компани Аи-92-1820 Аи-80-1515 ДТ-1885 Аи-95-2000 “МТ Ойл” компани Аи-80-1500 Аи-92-1800 Аи-95-1950 ДТ-1850 “Шунхлай” компани Аи-80-1500 Аи-92-1800 Н.Түвшин