Ц.Туваан: Би Ардчилсан намдаа байгаа

АН-ын бүлгийн дарга Д.Ганбат мэдээлэл хийж, УИХ-ын гишүүн Ц.Тувааныг АН-аас хөөсөн тогтоолыг танилцуулсан билээ. Ц.Тувааныг АН-ын дүрмийг удаа дараа зөрчиж, намын эсрэг ажилласан хэмээн гишүүнээсээ хасчээ.
Энэ талаар УИХ-ын гишүү Ц.Туваан “Хэдэн удаа ч хөөгдчихөв, мэдэхгүй. Би Ардчилсан намаас сонгогдсон гишүүн, намдаа байгаа” гэсэн тайлбарыг өглөө. Мөн тэрбээр “Бүлгийн үйл ажиллагаа, дотоод зохион байгуулалтын асуудал АН-ын бүлгийн хуралдаанаар яригдсан. Үүнтэй холбоотой байх” хэмээн тодотголоо.
Тэрбээр О.Цогтгэрэл даргатай АН-ын гишүүн бөгөөд намын гишүүнчлэл хэвээр байгааг хэлж байна. Мөн бүлгээс хасах асуудлыг ганцхан Д.Ганбат дарга бус гишүүд шийддэгийг хэллээ.
Б.Хэрлэн
СЭТГЭГДЭЛ БИЧИХ