Сонгинохайрхан дүүргийн Нутгийн захиргааны ордон ашиглалтад ороход бэлэн болжээ. Нутгийн захиргааны нэгдсэн ордон ашиглалтад орсноор иргэд төвлөрсөн цэгээс төрийн үйлчилгээг авах боломж нээгдэх аж. Гэрлэх ёслолын өргөөтэй, есөн давхар нутгийн захиргааны ордонг нийслэлийн төсвийн хөрөнгө оруулалтаар Дарцагт Ноёд ХХК барьж байгуулжээ.

Согинохайрхан дүүрэг нь цэргийн ангийн байранд үйл ажиллагаагаа явуулж байсан бөгөөд иргэдэд төрийн үйлчилгээ үзүүлдэг хэлтэс, албад нь 15 байршилд тархсан нь хүндрэл учруулдаг байжээ.