Шинжилгээний дүн: Сайжруулсан шахмал түлшний бүх үзүүлэлт стандарт хэмжээнд байна
Сайжруулсан шахмал түлшний чанар, стандарт алдагдсан тухай мэдээлэл хэвлэл мэдээллийн хэрэгслээр гараад буй. Түлшний борлуулагч нар ч сайжруулсан шахмал түлшний чанар өнгөрсөн жилийнхээс муудаж, чийглэг, үнс ихтэй байгааг хэлж буй. Мөн түлш шатахгүй уугиж байгаагаас агаарыг их бордуулж буй тухай ярьж буй. Тиймээс Засгийн газраас ажлын хэсэг байгуулагдаж, сайжруулсан шахмал түлшний чанар, стандарт, үйлдвэрлэлд шалгалт хийсэн байна. Мөн мэргэжлийн хяналтын байгууллагаас түлшинд шинжилгээ хийснээ өнөөдөр танилцуулллаа.
Нийслэлийн Мэргэжлийн хяналтын газраас Тавантолгой түлш компанийн зүүн болон баруун бүсийн үйлдвэр, агуулах, борлуулалтын цэг, барьцалдуулагч, мидлинг зэргээс дээж авч, шинжилгээ хийжээ.
Баруун бүсийн үйлдвэрийн шахмал түлшний шинжилгээний дүн:
| Үзүүлэлт |
Стандарт хэмжээ |
Шинжилгээний дүн |
| Чийглэг |
10% |
1.7-1.9 |
| Үнслэг |
29
|
22.4-23.4
|
| Дэгдэмхий бодис |
22 хувь |
18.4-18.7 |
| Хүхрийн агууламж |
1 хувиас бага |
0.9-0.93 |
| Ислэг чанар |
4200-аас их байх
|
6078-6273 |
| Бат бөх чанар |
80 хувиас дээш
|
90.2-93 |
Зүүн бүсийн үйлдвэрийн шахмал түлшний шинжилгээний дүн:
| Үзүүлэлт |
Стандарт хэмжээ |
Шинжилгээний дүн |
| Чийглэг |
10% |
5.8-8.5 |
| Үнслэг |
29 хувь
|
22.3-25.7
|
| Дэгдэмхий бодис |
22 хувь |
18.3-20.3 |
| Хүхрийн агууламж |
1 хувиас бага |
0.89-0.94 |
| Ислэг чанар |
4200 ккл-аас их байх
|
5490-5788 |
| Бат бөх чанар |
80 хувиас дээш
|
81.3-95.2 |
Сайжруулсан түлшний гол түүхий эд мидлингийн шинжилгээний дүн бүгд стандарт хэмжээнд байна. Мөн барьцуулагчийн шинжилгээ ч стандартын шаардлага хангасан, ямар нэг зөрчилгүй гарсан гэдгийг нийслэлийн Мэргэжлийн хяналтын газрын ахлах мэргэжилтэн Угтахбаяр танилцууллаа.
Мөн Тавантолгой түлш компанийн Чанарын хяналтын хэлтсийн дарга Баттулга үйлдвэрээс гарч буй бүтээгдэхүүн бүрт шинжилгээ хийдгээ хэлж байна.
Тэрбээр “Чанарын хяналтын хэлтэс Тавантолгой түлш үйлдвэрээс гарсан бүх бүтээгдэхүүнийг нэгбүрчлэн хянаж, чанарын шаардлага хангасан түлшийг иргэдэд хүргэж байгаа. Өнгөрсөн долоо хоногт ЭХ-ний сайд Н.Тавинбэх, БОАЖ-ын сайд Н.Уртнасан нараар ахлуулсан ажлын хэсэг сайжруулсан шахмал түлшинд үзлэг, шалгалт хийсэн. Энэ шалгалтаар Тавантолгой түлш компанийн бүтээгдэхүүн, үйлдвэрлэл стандартын хэмжээнд байгаа нь батлагдсан. Мөн айл өрхүүдээр түүвэрчлэн үзлэг шалгалт хийсэн. Нунтагийн агууламж өндөр гарсан тохиолдол байсангүй. Чийгний стандарт 10 хувь байдаг. Үүнийг бид хамгийн ихдээ 5-6 хувьд барьж ажиллаж байгаа” гэсэн мэдээллийг өгч байна.
Б.Хэрлэн
СЭТГЭГДЭЛ БИЧИХ