ЭМЯ-наас цаг үеийн асуудлаар мэдээлэл хийлээ. 

ХӨСҮТ-ийн дэд захирал Ц.Чинбаяр “Омикрон хувилбар бүртгэгдсэнээс хойш халдвар авсан иргэдийн эмнэлзүйн байдлыг авч үзвэл 45 хувь нь хөнгөн, 55 хувь  хүндэвтэр, 10 орчим хувь нь хүнд, 0.7 хувь нь нэн хүнд гэсэн ангилалтайгаар эмчлэгдэж байгаа.

ХӨСҮТ-өөс хүнд болон хүндрэх эрсдэлтэй хүмүүсийг авч эмчилж байна. Үүнтэй холбоотой ХӨСҮТ-д эмчлүүлж буй нийт өвчтнүүдийн 60 хувь нь хүндэвтэр, 10 хувь нь хөнгөн, 35 хувь нь хүнд, 2.5 хувь нь нэн хүнд гэсэн ангилалтайгаар эмчлэгдэж байгаа. Эмнэлзүйн илэрч буй шинж тэмдэг нь харьцангуй хөнгөн, хүндэвтэр хүмүүсийн хувьд амьсгалын дээд замын халдварын үед  илэрдэг  хамар битүүрэх, хоолой аргах, хөндүүрлэх, хуурай ханиалгах, халуурах шинж тэмдэг илэрч байна. Харин эмнэлзүйн хүнд болон нэн хүнд өвдөж байгаа хүмүүсийн хувьд амьсгаадах, ханиалгах, цустай цэр гарах шинж тэмдэг давамгай илэрч байгаа.

Эмчилгээний хувьд өмнөх коронавирусийн хувьд авч хэрэгжүүлж байсан эмчилгээ ижил үргэлжил байна. Тиймээс эрсдэлт бүлгийн иргэд халдвараас сэргийлэх, халдвар авсан тохиолдолд эмчид хандаж, эмчилгээ хийлгэх шаардлагатай байна” гэж мэдээллээ.

М.Насан