БОАЖЯ-ны удирдлагууд, Орчны бохирдлыг бууруулах үндэсний хорооны гишүүд, Монголын эрчмийн салбарын зөвлөх, мэргэшсэн инженерүүд Сонгинохайрхан дүүрэгт байрлах сайжруулсан түлшний үйлдвэртэй танилцжээ.

Энэ үеэр эрдэмтэн, судлаачид 

- Сайжруулсан түлшний стандартыг яаралтай өөрчлөх

- Монгол Улсад утааны стандарттай болох

- Таван толгой түлш компанийн дэргэд лаборатори байгуулж өгөх

- Судалгаа хийж, туршилт хийж, үүний дараагаар үйлдвэрлэлийг явуулах

- Зүүнбаян төмөр замыг яаралтай ашиглалтад оруулах

- Сайжруулсан түлш үйлдвэрлэх үйлдвэрүүдийн яндангийн стандартыг сайтар барих

- Сайжруулсан түлшийг үйлдвэрлэхдээ түүхий эд болон бусад барьцалдуулагч зэргийг сайтар анхаарах

- Үйлдвэрийн зориулалттай болон ахуйн хэрэглээний гэж ангилсан стандарт тогтоох саналуудыг дэвшүүлжээ.

Дээрх саналуудыг үндэслэн эрдэмтдийн зөвлөлийг байгуулах, шинээр баригдах үйлдвэрийн технологийг шинэчлэн, бүрэн автоматжуулах ажлыг зохион байгуулах хамтарсан ажлын хэсгийг байгуулсан байна.