Олон улсын олимпын хорооны хэвлэлийн албаны тэргүүн Марк Адамс Оросын уран гулгагч Камила Валиевагийн допинг сорьцтой холбоотой нөхцөл байдлын талаарх асуултад хариулжээ.

"Би энэ сэдвээрх цуурхалд тайлбар өгөхгүй. Өчигдөр хуульзүйн тодорхой нөхцлүүд үүссэн. Гэхдээ үүний талаар тайлбар өгөх нь зохимжгүй. Допинг илэрсэн тухай мэдээлэл мөн л таамаг. Хулуийн асуудал гарсан, ажил үргэлжилж байна" хэмээн Марак Адамс мэдэгджээ.

Түүнчлэн уран гулгагчдын шагнал гардуулах ёслолын талаарх мэдээлэлтэй холбоотойгоор мөн л "цуурхал гарсан, тэвчих хэрэгтэй" хэмээн Адамс өгүүлснийг "Чемпионат" сонин мэдээлсэн байна.

Оросын уран гулгалтын шигшээ баг багийн тэмцээнд түрүүлж, өнгөрсөн мягмар гаригт медалиа гардаж авах байсан ч ёслолын ажиллагааг хойшлуулсан юм. Үүний дараа, 15 настай Камилагийн допинг сорьц эерэг гарсны улмаас ёслолыг хойшлуулсан гэх мэдээлэл гарч байв.

РБК: Уран гулгагч Валиевагийн допинг сорьцоос өдөөгч илэрсэн

Г.Бямбасүрэн