Үнийн хөөрөгдлийн эсрэг жагсагчид жагсаалаа үргэлжлүүлж байна. Тэд Төрийн ордны гаднах хаалгануудыг хааж тэдний тавьсан шаардлагын хариуг ирүүлэх хүртэл гадагшаа хүмүүсийг гаргахгүй, дотогш нэвтрүүлэхгүй байхаар илэрхийлсээр байна. Өнгөрсөн баасан гарагт Үйлдвэрчний эвлэлийнхэн Засгийн газарт шаардлага хүргүүлэхэд тэдний тавьсан шаардлагыг энэ сарын 20-ны өдөрт багтаан хэлэлцэж, шийдвэрлэнэ гэсэн албан ёсны хариултуудыг өгч байсан. Гэвч өнгөрсөн баасан гарагт дээрх асуудлыг УИХ, Засгийн газрын төвшинд хэлэлцэж ямар нэгэн шийдвэр гаргаагүй тул тэд ийн өнөөдөр тэмцлээ үргэлжлүүлж байна.