Хоёрдугаар сарын 24-ний өдөр ОХУ-ын Ерөнхийлөгч Владимир Путиний тушаалаар Оросын арми Украин руу довтолж эхэлснээс хойш барууны орнууд Оросын эсрэг хориг тавьж, гадаадын компаниуд Оросын зах зээлээс гарах болсон юм. 

Ийнхүү гадаадын компаниуд олноороо Оросыг орхисноос үүдэн 95 865 хүн ажилгүй болжээ. ОХУ-ын Холбооны зөвлөлийн дэд дарга Галина Карелова үүнийг "сул зогсолт" хэмээн нэрлэсэн байна. 

"Хөдөлмөрийн зах зээлийг дэмжих үүднээс Засгийн газрын нөөц сангаас 39 тэрбум гаруй рубль гаргасан. Энэ мөнгөний ихэнх хэсэг нь халагдах эрсдэлтэй байгаа хүмүүст түр ажлын байр бий болгох, олон нийтийн ажил зохион байгуулахад зарцуулагдана" хэмээн Карелова мэдэгдсэнийг Регнум агентлаг дамжуулжээ.

Украинд байлдааны ажиллагаа явагдах хугацаанд Орост Apple, McDonalds, IKEA, Volkswagen, Mercedes, H&M, Inditex ( Zara, Oysho, Pull&Bear, Bershka, Stradivarius, Massimo Dutti) гэсэн брэндүүд, Sephora, Lush зэрэг олон компани үйл ажиллагаагаа зогсоосон юм. 

Цэргийн ажиллагаанаас үүдэн Оросыг бойкотлосон брэндүүд
 

Украинд цэргийн ажиллагаа эхэлсэн эхний өдрөөс л Оросын эсрэг эдийн засгийн хориг арга хэмжээнүүд цуварч, банкнаас эхлээд хүнсний салбар хүртэл эдийн засгийн бараг бүх салбарт нь нөлөөлсөн юм. Оросыг эсэргүүцсэн давлагаанд томоохон брэндүүд ч нэгдэв. ҮРГЭЛЖЛҮҮЛЭН УНШИХ