Дэлхийн шатрын 44 дүгээр олимпиад Энэтхэг улсын Ченнай хотноо үргэлжилж буй. Энэ удаагийн олимпиадад манай тамирчид арвин их  амжилт үзүүлж байна.

Наймдугаар сарын есний өдөр Б.Мөнгөнзул шатрын олимпиадын дөрөвдүгээр ширээг амжилтаараа тэргүүлж, алтан медаль хүртэхээр болжээ. Ингэснээр Монгол Улс түүхэндээ анх удаагаа дэлхийн шатрын олимпиадаас алтан медаль хүртлээ.

Мөн мягмар гарагт  FA Б.Нямдаваа Олон улсын шүүгч цолтоны эгнээнд шилжсэн бол WIM Т.Мөнхзул эмэгтэй их мастер цолны болзол хангасан байна. Т.Мөнхзул нь 20 насандаа их мастер цолтны эгнээнд шилжсэн Монголын шатрын долоо дахь эмэгтэй их мастер цолтон болж байгаа юм. 

Ц.Наранцацрал