Сэтгэцийн эрүүл мэндийн үндэсний чуулган эхэллээ. Уг чуулганд Эрүүл мэндийн сайд С.Энхболд үг хэлэв. 

ЭМЯ зүгээс дэлхий  нийтийн чиг хандлагын дагуу эмнэлэгт суурилсан тусламж үйлчилгээнээс нийгэм хамт олонд тулгуурласан тусламж үйлчилгээ рүү чиглэсэн сэтгэцийн эрүүл мэндийн төсөл, хөтөлбөрүүдийг хэрэгжүүлэн, эрүүл мэндийн салбарт төдийгүй бусад салбар болох хууль зүй, нийгмийн хамгаалал, боловсролын байгууллагатай хамтын үйл ажиллагаагаа улам хөгжүүлэн, өргөжүүлэн ажиллаж байна.

Манай улс “Сэтгэцийн эрүүл мэндийн тухай хууль”-ийг 2013 онд шинэчилсэн найруулгаар УИХ баталсан  бөгөөд Сэтгэцийн эрүүл мэндийн үндэсний хөтөлбөрийг 2010-2019 онуудад амжилттай хэрэгжүүлж тодорхой ахиц, үр дүн гарсан ба  боловсролын байгууллагатай хамтрах нь хамгийн чухал бөгөөд хүүхэд, өсвөр насныхны сэтгэл зүй, сэтгэцийн эрүүл мэнд, эцэг эх, багш сурган хүмүүжүүлэгчийн оролцоо чухал юм. 

Цаашид иргэдийн сэтгэцийн эрүүл мэндийг сайжруулах, дэмжих үйл ажиллагаанд салбар дундын оролцоог болон чанарыг сайжруулах, нотолгоонд тулгуурласан тусламж үйлчилгээг үзүүлнэ.

Мөн өнөө ба өнгөрсөн байдалдаа дүн шинжилгээ хийх, судалгаа шинжилгээний ажлуудыг хийхэд санхүүгийн болоод бусад дэмжлэгийг бий болгох, тусламж үйлчилгээнд орчин үеийн арга техникүүдийг нэмэгдүүлэх, боловсон хүчний чанар ба хүртээмжийг сайжруулах чиглэлд ЭМЯ зүгээс анхааран ажиллах болно" гэв. 

Эрүүл мэндийн сайд асан Т.Мөнхсайхан 

Эрүүл мэндийн салбарт зарцуулагдаж байгаа төсвийн 90 гаруй хувийг тусламж үйлчилгээнд зарцуулагддаг. Сэтгэцийн эрүүл мэндийн хувьд аливаа өвчинд өртөхөөс нь өмнө бид яаж урьдчилан сэргийлэх арга хэмжээг авах тал дээр нийгмийн бодлого руу чиглэсэн бодлого үзүүлэх тал дээр дутмаг байна. 

Цаашид энэхүү асуудлыг маш том бодлогоор эрүүл мэндийн салбарт урьдчилан сэргийлэх чиглэл рүү зарцуулж чадах юм бол маш хэмнэлттэй, үр дүнтэй санхүүжилт болох ёстой юм. 

Өнөөдөр Монгол дөрвөн хүн тутмын нэг нь сэтгэцийн эрүүл мэндийн асуудалтай байна. Тиймд нийслэлдээ зөвхөн нэгдсэн нэг эмнэлгээс гадна хөдөө орон нутагт сэтгэл зүйн зөвлөгөө өгөх, нэгжүүдийг тэлж бүх хүнд хүрэлцээтэй үйлчилж чадах юм бол энэ салбарт тулгамдсан асуудал шийдэгдэх хамгийн том бодлого юм.