Их Британийн Сангийн сайдын алба хашиж байсан шинэ Ерөнхий сайд Риши Сунак тус улсын хаанаас ч их хөрөнгөтэй гэж  Daily Mail сонин бичжээ.

Эх сурвалжийн мэдээлснээр, Сунак болон түүний гэргий Акшата Мурти нарын хөрөнгө 845,5 сая доллараар үнэлэгддэг гэнэ. Тэдний гэр бүл Их Британийн хамгийн чинээлэг хүмүүсийн жагсаалтад 222 дугаарт бичигддэг аж.

Түүний хөрөнгийг хаадын хөрөнгөтэй харьцуулвал, хатан хаан II Элизабетын хөрөнгө 418,5 сая доллар, хатан хааны араас хаан ширээнд суусан III Чарльзын хөрөнг 339-396 сая доллараар үнэлэгддэг аж. 

Тиймээс Риши Сунак Их Британийн хаанаас ч их хөрөнгөтэй анхны Ерөнхий сайд болж байгааг "Вашингтон пост" сонин онцолжээ. Энэ хөрөнгөнөөс гадна Сунакийн гэр бүл 17 сая долларын өртөгтэй тансаг зэрэглэлийн дөрвөн байшинтай гэнэ.

Нэг харш нь Лос-Анжелесийн эрэг дээр байрладаг, Ришигийн гэр бүл ажлын өдрүүдэд Лондон хотын баруун хэсэгт байх таван унтлагийн өрөөтэй байрандаа амьдарч, амралтын өдрүүдээрээ "усан сан, бэлтгэлийн танхим, йогийн танхим, усан массажтай ванн, теннисийн талбай" бүхий, Хойд Йоркширт байх харшдаа очиж амардаг гэнэ.

Риши Сунак, Акшата Мурти нар Стэнфордод суралцаж байхдаа танилцжээ. Тэд 2009 онд гэрлэсэн, одоо хоёр охиноо өсгөдөг аж. Риши Сунакийн эхнэр Акшата Форбс сэтгүүлээс гаргаадг чинээлэг хүмүүсийн жагсаалтад 553 дугаарт бичигддэг, 4,5 тэрбум долларын хөрөнгөтэй, Энэтхэгийн Infosys техногигантыг үндэслэгч Нараяна Муртигийн охин гэнэ.

БРИТАНИЙН ХАМГИЙН ЗАЛУУ, АЗИ ГАРАЛТАЙ АНХНЫ ЕРӨНХИЙ САЙД РИШИ СУНАК 

Борис Жонсоны араас Ерөнхий сайд болсон Лиз Трасс огцорсны дараа тэрбээр хоёр дахь удаагаа намын даргын төлөө өрсөлдөх боломжтой болсон юм. Улмаар дотоод сонгуульд орох өрсөлдөгч нь нэрээ татсанаар тэрбээр цорын ганц оролцогч болж, ингээд эцсийн дүнд өрсөлдөгчгүй ялагч болов. Ингээд өдгөө 42 настай Риши Сунак тус улсын хамгийн залуу мөн Ази гаралтай анхны Ерөнхий сайд болж байна. ҮРГЭЛЖЛҮҮЛЭН УНШИХ...

Г.Бямбасүрэн