Беларусийн Оршаны шүүх гуравдугаар зэргийн хөгжлийн бэрхшээлтэй, 63 настай Ольга Стабровская гэх иргэнийг тус улсын Ерөнхийлөгч Александр Лукашенког доромжилсон хэрэгт буруутгажээ. 

Ахмад настныг хэрэгт татах болсон шалтгаан нь ахмад настан 2021 онд "Одноклассники" олон нийтийн сүлжээнд оруулсан нийтлэлд лайк дарсан, богинохон сэтгэгдэл үлдээсэнтэй холбоотой гэнэ. Чухам ямар сэтгэгдэл үлдээсэн талаарх мэдээлэл тодорхойгүй, гэхдээ хэл шинжээчдийн шинжилгээний комисс энэ сэтгэгдэлд Лукашенког доромжилсон агуулга байна гэсэн дүгнэлт гаргажээ. 

Улмаар ахмад настан, хөгжлийн бэрхшээлтэй иргэнд нэг жил, гурван сарын хорих ял оноосон байна. Тэрбээр ердийн дэглэмтэй хорих ангид ялаа эдлэх гэнэ. 

Г.бямбасүрэн