Чехэд 11 дүгээр сарын 27-ны өдөр тус улсын түүхэн дэх хамгийн том ажил хаялтыг зарлана гэж Чехийн Үйлдвэрчний эвлэлүүдийн холбоо мэдэгдсэнийг РБК дамжуулжээ. 

Эх сурвалжийн мэдээлснээр, ажил хаялтад фирм, үйлдвэрүүдийн нэг сая орчим ажилтан, бага, дунд сургуулийн багш нарын 70 хувь нь оролцох юм байна. Ийм ажил хаялт зарласнаар Чех дэх эдийн засгийн нөхцөл байдлыг эргэн харахыг Засгийн газраас шаардана гэж үйлдвэрчний эвлэл мэдэгджээ. 

Түүнчлэн иргэдтэй харилцахгүй, нийгмийн шаардлагыг сонсохгүй байгаа эрх баригчдад ажил хаях замаар дохио өгнө гэж зохион байгуулагчид нь мэдэгдсэн байна. 

Г.Бямбасүрэн