Өнгөрсөн амралтын өдрүүдэд Тагнуулын байгууллагаас нэр бүхий дөрвөн этгээдийг дайчлан баривчилсан талаар мэдээлсэн билээ. Тодруулбал нэг нь улсын нууц задруулсан, гурвыг нь эх орноосоо урвасан байж магадгүй хэмээн баривчилж, Цагдан хорих 461 дүгээр ангид цагдан хорьсон байгаа билээ.

Тэгвэл тэдний дунд Бурхан шашинтны Шинэ хүрээ хийдийн хамба лам З.Санждорж байгаа гэсэн мэдээлэл цахим хэрэгслээр болон хэвлэл мэдээллийн хэрэгслээр гарч эхэлжээ. Түүнийг эх орноосоо урвасан буюу X богдын асуудалтай холбоотойгоор баривчилсан байж магадгүй гэнэ. Түүнтэй хамт хоёр этгээдийг цагданг хорьсон байгаа. 

З.Санждоржийн хувьд хэвлэлийн хурал их хийдэг бөгөөд өнгөрсөн жил X богдын асуудлаар мэдээлэл хийж, хүмүүсийн тархи угааж буруу зөрүү мэдээлэл өгч байна хэмээн тухайн үед шуугиад өнгөрсөн юм. Мөн тэрбээр Гандантэгчилэн хийдийн хамбын асуудлаар нэлээд маргаантай төдийгүй уг асуудлаар хэвлэлийн бага хурал хүртэл хийж байсан.

Тухайлбал, Монголын бурхан шашинтны төв бол Гандантэгчэнлин хийд гэж ойлгодог. Гандантэгчэлин хийдийг хамгийн ариун дагшин хууль ёсны шашны байгууллага гэж итгэж байсан. Гэтэл их ноцтой мэдээлэл байна. Монголын бурхан шашинтны төв бол Гандантэгчэнлин хийдийн албан ёсны улсын бүртгэлийн гэрчилгээ нь хүчин төгөлдөр бус гэсэн баримт гарч ирлээ. Мөн Монголын бурхан шашинтны төв бол Гандантэгчэнлин хийдийн 2018 оны зургадугаар сарын 19-ний хурлаар баталсан зохион байгуулалтын бүтэц, үйл ажиллагааны дүрэм өөрчилсөн энэ нууц хийгдсэн гэсэн утгатай мэдээлэл хийж байсан.  Түүнчлэн хоёр жилийн өмнө хүчингийн хэрэгт холбогдон хуулийн байгууллагад шалгуулсан байдаг.