Монгол Улс энэ оны эхний дөрвөн сард 4242.6 сая ам.долларын бараа, түүхий эд экспортолсон нь өнгөрсөн оны мөн үеийнхтэй харьцуулахад 14.1 хувиар буурлаа.

Гаалийн ерөнхий газрын мэдээлснээр, экспортын бараа бүтээгдэхүүний 91.2 хувийг БНХАУ руу экспортолсон байна.

Чулуун нүүрсний экспортын орлого 1,758.5 сая ам.долларт хүрчээ. 

Монгол Улс энэ оны эхний дөрвөн сард 4242.6 сая ам.долларын бараа, түүхий эд экспортолсон нь өнгөрсөн оны мөн үеийнхтэй харьцуулахад 14.1 хувиар буурлаа. Гаалийн ерөнхий газрын мэдээлснээр экспортын бараа бүтээгдэхүүний 91.2 хувийг БНХАУ, 5.6 хувийг Швейцар, 1.1 хувийг АНУ, 0.5 хувийг ОХУ руу гаргажээ. Манай улс нийт 61 оронд бараа экспортоллоо.

Экспортын хэмжээ буурахад чулуун нүүрсний экспортын биет хэмжээ 22.8 сая тоннд хүрсэн ч нүүрсний үнэ унасантай холбоотойгоор борлуулалтын орлого бага байсан нь голлон нөлөөлөв. 2024 оны эхний дөрвөн сард манай улсын 24.4 сая тонн чулуун нүүр экспортолж 2,988.2 сая ам.долларын орлого олж байсан бол энэ оны эхний дөрвөн сард 22.8 сая тонн экспортолж 1,758.5 сая ам.долларын орлого оллоо. Чулуун нүүрсний экспортын биет хэмжээ буурч, орлого ч буурав. Мөн малын мах, дайвар бүтээгдэхүүний экспорт өмнөх оны мөн үеэс 40.7 хувиар огцом буурсан байна.

Гэсэн хэдий ч зэсийн баяжмалын экспортын хэмжээ энэ оны эхний дөрвөн сард 0.65 сая тоннд хүрчээ. Энэ нь өмнөх оны мөн үеэс 30 хувиар өссөн эерэг үзүүлэлт юм