• 2026-01-29

Түгшүүр үү?

img

 

Сүүлийн өдрүүдэд БНХАУ-ын Ардын чөлөөлөх армийн (PLA) дээд удирдлагад гарсан томоохон өөрчлөлтүүд олон улсын ажиглагчдын анхаарлыг татаж, бүс нутгийн аюулгүй байдлын талаар шинэ асуултуудыг хөндөхөд хүргэж байна. Хятадын цэргийн дотоод “цэвэрлэгээ” ээлжит антикоррупцийн алхам уу, эсвэл илүү гүнзгий улс төрийн дохио юу?

Дээд командлагчид шалгалтад оров

Хятадын Батлан хамгаалах яамны мэдээлснээр Ардын чөлөөлөх армийн хамгийн өндөр албан тушаал хашиж байсан генерал Хэ Вэйдун (He Weidong / Youxia) болон Лю Жэньли нарыг “хуулийн болон сахилгын ноцтой зөрчил” гаргасан гэх үндэслэлээр албан ёсны шалгалтад хамруулжээ.

Ялангуяа Хэ Вэйдун нь Ерөнхийлөгч Си Жиньпиний ойрын хүрээлэлд тооцогдож, улс төр цэргийн нөлөө бүхий хамгийн өндөр цолтой генералуудын нэг байсан нь энэхүү үйл явдлыг илүү онцгой болгож байна. Зарим шинжээчид үүнийг Си Жиньпин 2012 оноос хойш явуулж буй авлигын эсрэг кампанит ажлын хамгийн өргөн хүрээтэй, армийн дээд түвшинд чиглэсэн “цэвэрлэгээ” хэмээн тодорхойлж байна.

Удирдлагын тогтвортой байдалд эрсдэл үүсэх үү?

Цэргийн удирдлагын ийм огцом өөрчлөлт нь дотоод тогтвортой байдалд сөргөөр нөлөөлж болзошгүйг ажиглагчид онцолж байна. Ялангуяа:

  • Туршлагатай командлагчдыг богино хугацаанд алдах,

  • Шийдвэр гаргах үйл явц хэт төвлөрөх,

  • Намын хатуу хяналт цэргийн мэргэжлийн шийдвэрийг давамгайлах эрсдэл нэмэгдэх

зэрэг асуудал хөндөгдөж эхэлжээ. Зарим шинжээчийн үзэж буйгаар, энэ нь Хятадын цэргийн стратегийн уян хатан байдал, бодит нөхцөлд хариу үйлдэл үзүүлэх чадварт тодорхой хэмжээнд нөлөөлж магадгүй юм.

Тайвань ба бүс нутгийн аюулгүй байдал

Тайванийн Батлан хамгаалахын сайд уг үйл явдлыг “хэвийн бус” гэж тодорхойлсон ч Тайванийн хамгаалалтын чадавх сулраагүй гэдгийг онцолсон байна. Харин олон улсын зарим шинжээчийн зүгээс Хятадын дотоод удирдлагын тогтворгүй байдал нь бүс нутагт шууд цэргийн эрсдэл нэмэгдүүлэхгүй ч, харин буруу тооцоолол, ойлголцолгүй шийдвэр гарах магадлалыг өсгөж болзошгүй гэж анхааруулж байна.

Дайны эрсдэл байгаа юу?

Одоогийн байдлаар Хятадын цэргийн удирдлагад гарсан энэхүү өөрчлөлтийг Тайвань руу чиглэсэн шууд халдлага, эсвэл дайн эхлэхийн “урьдчилсан дохио” гэж үзэх бодит нотолгоо байхгүй байна. Гэсэн ч цэргийн шийдвэр гаргах төвлөрөл, дотоод улс төрийн нөлөөлөл, удирдлагын туршлагын тасалдал зэрэг хүчин зүйлс нь цаашид бүс нутгийн болон олон улсын харилцаанд тодорхой дарамт үзүүлж болзошгүйг шинжээчид онцолж байна.

 

СЭТГЭГДЭЛ БИЧИХ

Jimbeau:
l Get paid over $110 per hour working from home. l never thought I'd be able to do it but my buddy makes over $21269 a month doing this and she convinced me to try. The possibility with this is endless.... This is what I do................. CASH54.COM
2026-02-01
Япон улс 2026 он гэхэд өөрийн зэвсэгт хүчнийг эрчимтэй шинэчилж, АНУ-ын Номхон далай дахь ачааллыг хөнгөрүүлэх чадвартай болсон нь АНУ-д Иран руу анхаарлаа хандуулах боломжийг бүрдүүлж байгаа юм. Товчхондоо, АНУ Ирантай сөргөлдөж байгаа нь Хятадад Тайвань руу довтлох "алтан боломж" мэт харагдаж болох ч, АНУ-ын стратегийн "Зүүн тийш эргэх" бодлого нь хэдийнэ замаасаа буцахааргүй гүнзгийрсэн байна. Тэд Ирантай дипломат болон хязгаарлагдмал цэргийн аргаар тэмцэлдэж болох ч, Тайванийг алдах нь АНУ-ын хувьд Дэлхийн тэргүүлэгч гүрний байр сууриа титмийн хамтаар алдахтай ижил утгатай юм. АНУ-ын хувьд Иран бол "тогтоон барих" ёстой бүс нутгийн аюул занал, харин Хятад бол Дэлхийн дэг журмыг өөрчлөх чадвартай "стратегийн өрсөлдөгч". Тиймээс Вашингтон Ойрх Дорнодод хэчнээн саатсан ч Тайванийг хамгаалах Тэнгисийн цэргийн цөмийг хөдөлгөхгүй нь тодорхой байна. 2026 оны стратегийн зураглалаар АНУ-ын "Хоёр фронт"-д ажиллах чадвар нь холбоотнууд Япон, Австрали оролцоотойгоор илүү баталгаажиж байгаа юм.
2026-02-01
АНУ-ын зүгээс Тайванийг орхино гэдэг нь зөвхөн нэг арлыг алдах биш, Номхон далай дахь өөрийн ноёрхлоо бүрэн хүлээлгэж өгнө гэсэн үг юм. Ирантай сөргөлдөж буй энэ үед ч АНУ-ын стратегийн тэргүүлэх чиглэл яагаад Тайвань хэвээр байгааг дараах өнцгөөс харж болно. АНУ-ын Зэвсэгт хүчин Номхон далай дахь өөрийн гол нөөц бололцоо буюу Тэнгисийн цэрэг, Агаарын хүчнийхээ дийлэнх хэсгийг Ираны эсрэг чиглүүлдэггүй. Ойрх Дорнодод болж буй мөргөлдөөн нь ихэвчлэн хуурай замын болон пуужингийн довтолгооноос хамгаалах шинжтэй байдаг бол Тайванийн асуудал нь цэвэр тэнгисийн болон агаарын ноёрхлын тулаан юм. АНУ-ын Энэтхэг-Номхон далайн командлалд өөрийн үндсэн долоон нисэх онгоц тээгч цохилтын бүлгийн дийлэнхийг энэ бүс нутагт хэвээр хадгалж байгаа нь "Хоёр фронт"-д ажиллах нөөц бололцоо байгааг илтгэдэг. Түүнчлэн АНУ-ын хувьд Тайвань нь Иранаас хамаагүй илүү эдийн засгийн амин чухал ач холбогдолтой. Хэрэв Тайвань Хятадын хяналтад орвол Дэлхийн өндөр технологийн "цахиур" болсон чипний нийлүүлэлт Бээжингийн гарт шилжиж, АНУ-ын цэрэг-техникийн давуу тал агшин зуур үгүй болох эрсдэлтэй. Энэ бол АНУ-ын үндэсний аюулгүй байдлын "улаан шугам" юм. Нөгөө талдаа АНУ Тайванийг хамгаалахдаа ганцаараа биш, Япон, Австрали, Филиппин гэсэн холбоотнуудынхаа сүлжээгээр дамжуулан "Хамтын хамгаалалт" хийж байна.
2026-02-01
Япон улс 2026 он гэхэд өөрийн Батлан хамгаалах зардлыг ДНБ-ий 2%-д хүргэх зорилтоо үндсэндээ биелүүлж, зөвхөн хамгаалах биш, "Сөрөх нударгалан цохилт" өгөх чадвартай болсон байна. Ялангуяа Японы өмнөд хэсгийн Окинава болон Сенкаку арлууд дээр алсын тусгалын пуужингийн системүүдээ байршуулж байгаа нь Хятадын флотыг Тайванийн хоолой руу чөлөөтэй нэвтрэхэд маш том саад тээг болж байна. Япон улс Тайванийг "өөрийн аюулгүй байдлын салшгүй хэсэг" гэж зарласан тул ямар нэгэн мөргөлдөөн эхэлбэл Япон улс АНУ-тай хамтран шууд оролцох магадлал 2026 онд хамгийн өндөр түвшинд хүрнэ гэж шинжээч нар үзэж буй! Харин Филиппиний хувьд АНУ-тай байгуулсан EDCA хэлэлцээрийн хүрээнд ашиглах цэргийн баазуудын тоо нэмэгдэж, ялангуяа Тайваньтай хамгийн ойр орших Лузон арлын баазууд бүрэн хүчин чадлаараа ажиллаж эхэлнэ. Энэ нь Хятадын Өмнөд тэнгис дэх ноёрхлыг хязгаарлах "Зангуу" болж байгаа юм. Филиппин, Япон, АНУ-ын гурвалсан холбоо 2026 онд Номхон далайн аюулгүй байдлын шинэ тулгуур болж, Хятадын эсрэг "Арлын гинжин хэлхээ"-г улам нягтруулах дүр зураг харагдаж байна.Цэргийн сүрдүүлгээс гадна 2026 онд эдийн засгийн харилцан хамаарал улам бүр зэвсэг болон хувирна. Хятад улс Филиппин болон Японы эсрэг худалдааны хориг, түүхий эдийн хязгаарлалт ашиглах бол, хариуд нь эдгээр улсууд технологийн нийлүүлэлтийн сүлжээгээ (ялангуяа чип үйлдвэрлэл) Хятадаас хараат бус болгох "Decoupling" процессыг эцсийн шатанд нь хүргэх болно. Энэхүү дөрвөлжин доторх зөрчил нь 2026 онд зөвхөн Тайванийн асуудал биш, харин дэлхийн тэнгисийн тээврийн хамгийн чухал замуудыг хэн хянах вэ гэдэг стратегийн асар том өрсөлдөөн болон хувирч байна.
2026-02-01
Тайванийг Дэлхийн интернэтээс тусгаарлахын тулд далайн ёроолын кабелийг гэмтээх тактикийг илүүд үзэж байна.Цаашлаад Тайвань руу чиглэсэн ачаа тээврийн хөлөг онгоцуудыг "аюулгүй байдлын шалгалт" нэрээр саатуулж, эдийн засгийн боолт хийх хориг хэлбэрээр үргэлжлэх дүр зураг харагдаж байна. Энэ бол хэн хүчтэй нь биш, хэн илүү их хохирол амсаж, хэн илүү тэвчээртэй байж чадах вэ гэдгийг шалгасан сэтгэл зүйн асар том тулаан юм. 2026 он бол Баруун Номхон далайн бүс нутагт хүчний тэнцвэр маш эмзэг түвшинд очих, "хүч сорьсон" жил байх төлөвтэй байна. Хятад, Тайвань, Япон, Филиппин гэсэн дөрвөлжин дотор өрнөх үйл явцыг геополитикийн болон цэргийн стратегийн өнцгөөс шинжвэл ийм дүр зураг харагдаж байна. Хятадын Ардын чөлөөлөх армийн (PLA) стратеги нь "First Island Chain" буюу Арлын эхний гинжин хэлхээг даван гарч, Номхон далайн гүн рүү хяналтаа тогтооход чиглэж байна. Үүний тулд тэд Тайванийг тойрсон "Байнгын бүслэлт"-ийн горимд шилжсэн. 2026 онд Хятад улс Тайванийн зүүн талд буюу Филиппиний тэнгист нисэх онгоц тээгч цохилтын бүлгээ тогтмол байршуулснаар АНУ-ын Гуам болон Хавайгаас ирэх тусламжийг хаах "Anti-Access/Area Denial" (A2/AD) чадвараа дээд цэгт нь хүргэх болно.
2026-02-01
Зочин:
Тайванийн хоолойн эргэн тойронд өрнөж буй үйл явдлуудыг зөвхөн цэргийн сүрдүүлэг гэж харах нь асуудлын өнгөн хэсгийг л барьж авч буй хэрэг юм. Бодит байдал дээр энэ бол дэлхийн эдийн засаг, өндөр технологийн "амь тариа" болон асар нарийн тооцоотой цэргийн стратегийн огтолцол дээр тогтож буй маш эмзэг тэнцвэр юм. Тайванийн хоолойн асуудал бол зөвхөн хоёр эргийн зөрчил биш, Дэлхийн геополитик, өндөр технологийн нийлүүлэлтийн сүлжээний "Төв цэг" юм. БНХАУ-ын Ардын Чөлөөлөх Арми Тайванийг шууд эзлэн түрэмгийлэхээс илүүтэйгээр "Бүх талын бүслэлт" тактик руу шилжиж байна. Зүүн талаас нь нисэх онгоц тээгч хөлөг онгоцоор, баруун талаас нь эх газрын пуужингийн цохилтоор хааж, Тайванийг гадаад ертөнцөөс бүрэн тусгаарлах тактикийг илүүд үзэж байна. Нөгөө талдаа Тайваньчууд "Үхэр зараа" гэж нэрлэгддэг дайны стратеги руу бүрэн шилжиж, том бай болдог хөлөг онгоцноос татгалзан, мянга мянган хөдөлгөөнт пуужин харвагчаар эрэг орчмоо хамгаалж бэхэлсэн нь Хятадын Тэнгисийн цэргийн хувьд хамгийн том асуудал болж байна. Хэрэв Тайванийн хоолойд мөргөлдөөн эхэлбэл Дэлхийн ДНБ-ээс 10 их наяд ам.доллар арчигдах тооцоог «Bloomberg Economics» гаргасан. Шалтгаан нь гэвээс Тайванийн TSMC компани Дэлхийн хамгийн дэвшилтэт чипний 90%-ийг нийлүүлдэг. Хятадын өөрийнх нь технологийн салбар ч үүнээс шууд хамааралтай. Энэ бол Хятадын өөрийнх нь технологийн салбар ч хамт сүйрнэ гэсэн үг. Тиймээс Бээжингийн хувьд Тайванийг авах нь үндэсний нэгдмэл байдлын асуудал боловч, үүний төлөө Дэлхийн эдийн засаг дахь өөрийн байр сууриа золиослох эрсдэлийг одоогоор хүлээж авахад бэлэн биш байна. Цаашид мөргөлдөөн ил цагаан тулаанаас илүүтэй "Саарал бүсийн дайн" буюу кибер халдлага буюу Тайванийн эрчим хүч, банкны системийг саатуулах замаар дотоод эмх замбараагүй байдал үүсгэх.
2026-02-01
Зочин:
Бузар Хятад дампуурч сүйрээсэй
2026-02-01
Jimbeau:
l Get paid over $110 per hour working from home. l never thought I'd be able to do it but my buddy makes over $21269 a month doing this and she convinced me to try. The possibility with this is endless.... This is what I do................. CASH54.COM
2026-01-31
Монголчууд сонгуулиар албаар Ардын намыг сонгож, дараа нь хуучны коммунистууд хавчиж байна гэсэн нэрийдлээр АНУ-аас орогнол хүсэх гэж байгаа. Зүүний намыг сонгодог нь гадаадад орогнох хүсэл агуулдаг. Хятадын олон сая хүн нь АНУ-аас орогнол хүсээд Америкийн иргэд болцгоосон.
2026-01-30
Зочин:
Тайваний арлыг Хятад эзэлнэ ээ гэдэг бол, Зүүн Хойд ази руу чиглэх гол усан замын хяналтын нэг чухал цэгийг Хятад эзэлнэ ээ л гэсэн үг. Зүүн Хойд Азид орших Өмнөд Солонгос, Япон нэг бол Хятадын хяналтанд байгаа усан замаар тээврийн хөлгүүдээ хөвүүлэхийн тулд Хятадад буулт хийх, эсвэл уг усан замыг тойрон холуур хөвж, эдийн засгийн алдагдал хүлээж байх гэсэн хоёр сонголтын нэг дээр нь тулж ирэх учраас, ялангуяа сүүлийн үед эрчимтэйгээр далайн цэргийн хүчээ өргөтгөж байгаа Япон үүнийг хүлцэхгүй. Тэд цаашдаа Тайваний хоолойн асуудалд оролцох болно. (Дэн Сяо Пины үед Тайваний асуудал нь АНУ-Хятад-Тайвань гурвын дунд байсан бол одоо нэмэгдээд Япон гэдэг өндөр хөгжсөн улс орж ирж байгаа учраас, Тайваны асуудал Хятадад ашигтайгаар шийдэгдэх боломж багасч байна.) Ийм нөхцөлд Тайвань руу Хятадууд дайрвал энэ нь филиппин , япон гэсэн улсуудтай ч дангаар биш явж2 дэлхий дахинтай хийх их дайнд хятадыг татан оруулна. Тайваний тусгаар улс мөн биш байх улс орнуудад хамаагүй. Мөн тэдний хятад хэлтэй байх ардчилсан байх эсэх нь ч хамаагүй. Гагцхүү зөвхөн улс орнуудын амин чухал эрх ашиг гэдэг юм л тэднийг хөдөлгөж байдаг. Дэлхийн хамгийн том худалдааны зам, чип үйлдвэрлэлийн хамгийн том орон зайг харсаар байж хятадад тавиад алддаг тэнэг удирдагч энэ дэлхий дээр лав байхгүй биз. Энэ асуудлыг хамгийн их ойлгож байгаа нь япон. Тиймээс Санаэ Такаэчи парламентаа татан буулгаж өөртөө үнэнч хүмүүсээр парламентаа бүрдүүлэхээр зорьж байна. Тэрний зорилго бол тэдний гол хүлээс болоод байгаа Үндсэн хуулийн 9-р заалтыг өөрчлөж Японы амин чухал оршин тогтнохуйн асуудалд аюул учруулсан нөхцөлд дайнд оролцоно буюу тайвань руу хятад дайрсан нөхцөлд тэдэнтэй цэргийн мөргөлдөөнд орох тухай хуулиндаа тусгаж өгөхийн тулд тэр яаравчилж байна.
2026-01-30
Хятадад юу болоод байна вэ 🇨🇳🇨🇳🇨🇳.:
Нэгэнт ийм оролдлого хэд хэд гарч байгаа учраас Ши Жиньпин цаашид ямар арга хэмжээ авах нь их анхаарал татаж байгаа. Зарим хүмүүсийн таамаглалаар төрийн тэргүүний ажлаа даруй өгч, өөрийн болон ойр дотны хүмүүсээ хамгаалах, эсвэл эцсээ хүртэл өрсөлдөгчид болон өрсөлдөгч гэж үзсэн бүх хүнийг барьж хорих, барьцаа улам чангаруулах хувилбарууд байгаа гэнэ.
2026-01-30
Хятадад юу болоод байна вэ 🇨🇳🇨🇳🇨🇳.:
2023 оноос хойш ийнхүү цэргийн төв зөвлөлийн гишүүдийг бараг бүгдийг нь огцруулж, намаас хөөж, шоронд хориод байсан бөгөөд Zhang Youxia нь хэрэв Ши Жиньпинд ямар нэг зүйл тохиолдвол Хятадын төрийн тэргүүн болох хамгийн өндөр магадлалтай хүн гэж гадны хэвлэлүүдээр удаа дараа бичигддэг байсан нь түүнийг хардаж сэрдэх хандлагыг улам ч дэвэргэсэн байх боломжтой юм. Ер нь Ши Жиньпин сүүлийн жилүүдэд улам л хартай сэртэй болсон, хэнд ч итгэхээ больж, нам доторх өрсөлдөгчдөө нухчин дарах нь Маогийн үеийнх шиг хэв маягтай болсон гэж тодорхой хүрээнд яригддаг байсан нь энэ удаагийн бүтэлгүйтсэн оролдлогоор харагдаж байх шиг байна. Энэ удаад генералуудын нэрийг маш богино хугацаанд зарлаж, албан мэдэгдэл гаргаж байгаа нь, хэрэв Zhang Youxia-тай ижил санаа бодолтой, дараа дараачийн төлөвлөгөөнд нь гар бие оролцох сонирхолтой этгээдүүд байсан бол тэдэнд өгсөн шуурхай сануулга, мессеж гэж ойлгогдохоор байгаа юм. Бас маш богино хугацаанд төрийн эргэлт зохион байгуулагчид, тэдний гэр бүл, хань хамсаатнуудыг бүгдийг нь баривчилж, цэгцэлж дуусгаад мэдэгдлээ хийж байгаа нь тодорхой гэжээ. Ташрамд дурдахад, хэрэв энэ удаагийнхийг Ши Жиньпиний амь насанд халдах оролдлого гэж тооцох юм бол нийтдээ ийнхүү 4 дэх удаагаа түүнд халдаж буй тохиолдол болох аж. Үүний өмнө ихээхэн шуугиан дагуулсан оролдлого нь 2013 онд ХКН-н УТТ гишүүн асан Zhou Yongkang хөлсний алуурчин явуулж, бүтэлгүйтээд хүүтэйгээ хамт баривчлагдсан явдал байдаг гэнэ. Хөлсний алуурчин Ши Жиньпиний бие хамгаалагчийг хороож, Ши даргын хөлийг сум шүргэсний улмаас олны нүдэнд ил гарч ирэлгүй 20 гаруй хонож байсан гэдэг.
2026-01-30
Хятадад юу болоод байна вэ 🇨🇳🇨🇳🇨🇳.:
Харин олон нийтэд мэдэгдэхгүй байршлууд(зочид буудал, амралтын газар, нууц байр) дотроос гэнэт гэнэт random маягаар сонгож, ээлжлэн, тойрч хоноглодог аж. Чухам 1-р сарын 18-нд Жинши зочид буудалд хонох хуваарь нь тодормогц, Zhang Youxia болон Liu Zhenli нар тухайн өдрийн орой нь өөрсөддөө үнэнч цэргийнхнийг цуглуулж, Ши Жиньпинийг баривчлахаар тогтоод байж. Ер нь Жинши зочид буудалд арай олон удаа ирж хонодог, бас нэг байршилдаа 2-оос илүү хоног байдаггүй учир энэ зочид буудалд байхад нь л барьж авах санаатай байж. Гэвч ямар нэг аргаар тэдний төлөвлөгөөг ажиллагаа эхлэхээс ердөө 2 цагийн өмнө Ши Жиньпин дарга олж мэдсэн бөгөөд тэр даруйдаа буудлыг нууцаар орхин явж, генералуудыг өөрсдийг нь энэ боломжийг ашиглан, гэнэдүүлж баривчлах хариу арга хэмжээ авсан аж. Харин Zhang Youxia-гийн талынхан нууц нь задарсныг мэдэлгүй төлөвлөсөн ёсоороо ажиллагааг эхлүүлснээр, Жинши зочид буудалд отож байсан Zhang-ийн хүмүүс болон Ши Жиньпиний илгээсэн хүмүүсийн хооронд буудалцаан болж. Төрийн тэргүүний хамгаалалтаас 9 хүн буудуулж амиа алдсан бол нөгөө талаас илүү олон тооны хүн буудуулж үхсэн гэнэ. Энэ буудалцаан болж байхтай зэрэгцэн, Zhang Youxia болон Liu Zhenli нарыг баривчилсан ба гэр бүлийнхнийг нь ч шууд саатуулсан аж. Зарим хүмүүс ийм хэмжээний ноцтой ажиллагаа сэдэж байсан бол гэр бүлийнхнийгээ яагаад нуугаагүй, хамгаалаагүй юм бол гэж гайхаж байгаа ч эсрэгээрээ гэр бүлийнхнээ гадагш нь явуулах буюу хотоос гаргасан бол илүүтэй сэжиг төрүүлж, ажиллагаа нь илрэх магадлалтай байсан гэж нэрээ нууцалсан эх сурвалж, Канадад амьдардаг сэтгүүлчид өгсөн ярилцлагадаа дурдаж.
2026-01-30
Хятадад юу болоод байна вэ 🇨🇳🇨🇳🇨🇳.:
2026 оны 1-р сарын буюу өнгөрсөн 7 хоногийн үйл явдал: Хамгийн дуулиантай нь, Хятадын цэргийн хамгийн өндөр цолтой офицер бөгөөд ЦТЗ-ийн дэд дарга, генерал Zhang Youxia-г (түүнийг Xi Jinping-ийн хамгийн ойрын холбоотон, эртний итгэлт хүн гэж үздэг байсан) "сахилга бат, хууль тогтоомж ноцтой зөрчсөн" (авлига болон нууц задруулсан) хэргээр шалгаж эхэлсэн талаар дээр дурдсан. Гэвч дээрх албан тушаалтнууд Ши Жиньпинийг Jingxi зочид буудалд хонохоор ирэх орой нь буюу 1 сарын 18-нд баривчлахаар бэлдсэн боловч бүтэлгүйтэж баригдсан талаар албан бус эх сурвалжууд ярьж бичээд байгаа. Жинши зочид буудал нь ерөнхийдөө гадна дотны иргэдийн хувьд хаалттай, цэргийнхий мэдэлд байдаг, төрийн өндөр албан тушаалтнууд байрлах буюу уулзалт, хурал зөвөлгөөн хийх зорилгоор ашиглагддаг, "тусгай хэрэгцээ"-ний зочид буудал аж. Улс орны төрийн тэргүүнүүд өөр өөрсдийн албан өргөөнөөс гадна амьдардаг өргөөтэй байдаг(Цагаан ордон, Кремль, Их Тэнгэр цогцолбор гм) бол Ши Жиньпиний албан ёсны өргөө нь Zhongnanhai-д байдаг. Гэвч тэрээр хувийн аюулгүй байдлын үүднээс(энгийнээр хэлбэл элдэв халдлагад өртөхөөс сэрэмжлэн) албан ёсны өргөөндөө тогтмол хонохоо болиод удаж байгаа гэжээ.
2026-01-30
Хятадад юу болоод байна вэ 🇨🇳🇨🇳🇨🇳.:
Цэргийнхний дунд хийсэн цэвэрлэгээний хамгийн хүчтэй давалгаа 2023 оны дунд үеэс эхэлж, 2025 онд ч үргэлжилж байгаа бөгөөд энэ нь урьд өмнө үзэгдээгүй далайцтайгаар (зарим нь үүнийг Мао-гийн эрин үеэс хойших хамгийн том цэвэрлэгээ гэж нэрлэж байгаа) дээд тушаалын офицеруудыг хамарч байна. Цэргийнхний хүрээнд хийсэн цэвэрлэгээний онцлох үйл явдлууд: Rocket Force: 2023 онд Хятадын цөмийн болон пуужингийн зэвсэглэлийг хариуцдаг Rocket Force-c эхэлж, тоног төхөөрөмж худалдан авалттай холбоотой авлига болон албан тушаалын зөрчлийн асуудлаар олон тооны командлагчдыг албан тушаалаас нь чөлөөлсөн. Сайд нар дарааллан огцорсон: Энэхүү ажиллагаа бусад салбаруудад өргөжин, Батлан хамгаалахын хоёр сайд дараалан огцроход хүрсэн: Li Shangfu (2023 оны сүүлээр албан тушаалаас нь чөлөөлж, 2024 онд авлигын хэргээр ХКН-аас хөөсөн) болон түүний өмнөх сайд Wei Fenghe. Генералуудын шийтгэл: 2023 оноос хойш арав гаруй дээд тушаалын генерал шалгагдаж, албан тушаалаасаа зайлуулагдах буюу намаас хөөгдөөд байна. 2025 оны 10-р сард найман өндөр тушаалын генерал авлигын хэргээр ХКН-аас хөөгдөв. Эдийн засгийн нөлөө: Цэвэрлэгээ нь цэрэг-аж үйлдвэрийн компаниудад саад учруулж, 2024 онд Хятадын зэвсгийн томоохон компаниудын орлого буурсан үзүүлэлттэй гарсан байдаг.
2026-01-30
Хятадад юу болоод байна вэ 🇨🇳🇨🇳🇨🇳.:
Хятадын цэргийн төв комиссын дэд дарга бөгөөд Zhang Youxia (зэвсэгт хүчний дээрээсээ 2 дахь том хүн) болон цэргийн төв зөвлөлийн гишүүн бөгөөд зэвсэгт хүчний жанжин штабын дарга Liu Zhenli нарыг огцруулсан албан мэдээллүүд өчигдрөөс гарч эхэлсэн. Батлан хамгаалах яамных нь албан мэдээлэл дээр дээрх хоёр албан тушаалтныг ёс зүйн зөрчил гаргасан, хууль зөрчсөн үйлдэл хийсэн гэж дурдсан ч бодит байдал дээр огт өөр зүйл болсон талаарх мэдээллүүд гарч эхэлжээ. 2026 оны 1-р сарын 18-ны орой Бээжин хотын төвийн Haidian дүүрэгт орших Jingxi зочид буудалд Хятадын дарга Ши Жиньпинийг баривчлах оролдлого зохион байгуулаад, бүтэлгүйтсэний цаана дээрх 2 эрхэм байсан учраас баривчлагдаж, албан тушаалаасаа зайлуулагдсан бололтой. Төрийн эргэлт хийх зорилготой байсан байж болзошгүй энэ үйлдлийн талаар таамаг дэвшүүлэхийн тулд сүүлийн жилүүдэд Хятадын батлан хамгаалахын салбарт Ши Жиньпиний хийсэн "цэвэрлэгээ", халаа сэлгээний талаар зайлшгүй дурдах ёстой болно. Ши дарга 2012 онд засгийн эрхэнд гарснаасаа хойш иргэний болон цэргийн (Ардын чөлөөлөх арми буюу PLA) албан тушаалтнуудыг онилсон авлигын эсрэг өргөн хүрээтэй кампанит ажил явуулсаар ирсэн. Эдгээр үйлдлээ албан ёсны мэдээнд бол "авлигыг үндсээр нь устгах", "Хятадын Коммунист Нам (ХКН) болон төрийн удирдлагад үнэнч байхыг баталгаажуулах" зорилготой гэж тодорхойлдог. Гэвч шинжээчид, тоймчид үүнийг нөлөө бүхий өрсөлдөгчдөө замаасаа зайлуулах, эрх мэдлээ бэхжүүлэх, тэр дундаа Ши Жиньпиний өөрөө удирддаг Цэргийн төв зөвлөл (ЦТЗ)-өөр дамжуулан цэргийн хүчинд туйлын хяналт тогтоох арга хэмжээ гэж үздэг.
2026-01-30
Зочин:
#Анхаар!!! БЭЭЖИН РҮҮ цэргийн цуваа хөдөлж мужуудад онц байдал үүсч мэдэх нь... Хятдад дотоодын хуваагдал үүсчээ. Хурцдаж магадгүй. Хил гаалиар болгоомжтой зорчиж, нээх хол гүн рүү нь зорчихгүй байхыг хүсье. Ши Жин Пин Хятадын цэргийн 2 генералыг баривчилснаас хойш 72 цаг болж байгаа гэнэ. Энэ хугацаанд нэг ч цэрэг армийн удирдагч Ши Жин Пины талд байгаа гэдгээ мэдэгдээгүй байгаа гэнэ. 72 цагийн дуу, харилцаагүй байгаа цэрэг хүчний байдал нь бас нэг төрлийн дэмжихгүй байгаа гэсэн мессеж гэнэ. Одоогоор Бээжин Imperial Guard гэх хамгаалалтдаа найдаж, Бээжин хаалттай байгаа гэнэ. Гэхдээ 72 цагийн турш цэрэг арми ба Бээжин гэдэг хуваагдал үүсч асуудал нэг тийш гараагүй нь Ши-д дэмжлэг байхгүй байгааг илтгэнэ л гэнэ. Одоо эдгээр Генералуудын цааз хортой тариагаар уу, нохойд идүүлэх, буудуулах арга байх уу гэдэг Ши Жин Пинийн сэтгэл зүйн төлөвөөс хамаарах байх гэнэ.
2026-01-30
Зочин:
Монгол улс яг л маш ядуу айл шиг болжээ. Гэрийн эзэд нь (Монголын ард түмэн нь) ямар ч ажил хийхгүй, гэрийхээ доторх өнгөтэй өөдтэйг бүхнийг бүгдийг нь бусдад зарж (Монгол улс юм үйлдвэрлэдэггүй тул ганцхан ашигт малтмалаа гадагшаа зардаг) хоолоо арай хийж олж иднэ. Тэгээд гэрийхээ бүх юмыг зарж дуусаад бусдаас мөнгө зээлж (Монгол улс гадаадаас 40-өөд их наядын зээл авчээ) зээл, зээлийн хүүгийн өрөнд орж хоолоо арайхийж олж иднэ. Хүүхдүүдээ ойролцоо айлд зарцлагдаж хонь мал маллуулахаар (Монголын 200 мянган залуус гадаад улсад боолын хөдөлмөр эрхлэдэг) явуулна. Монгол орон сүүлийн 30 гаруй жил найрамдалт Оросоос нүүр буруулаад, дээрэмчин Америкийг дагаад мөхөл сүйрлийн ирмэгт тулж иржээ. Аюутугай, мэдтүгэй.
2026-01-29
арми гэлтгүй улс ороны дээд тушаалтнуудыг үе үе цэвэрлэж байхгүй бол ялзрал үүс ч улс орон мөхөн доройтдог юм шиг бгаа юм
2026-01-29