Италийн Турин хотын сүмд хадгалагддаг, Есүс Христийн оршуулгын даавуу хэмээн зарим хүн үздэг алдарт Турины даавуунаас олон төрлийн ДНХ-ийн ул мөр илрүүлжээ.

2026 оны долдугаар сарын 9-нд Scientific Reports сэтгүүлд нийтлэгдсэн судалгаагаар уг даавуунаас хүн, амьтан, ургамал, мөөг болон бичил биетний генетикийн ул мөр илэрсэн байна.

Судлаачид 1978 онд албан ёсоор цуглуулсан дээжүүдэд орчин үеийн генетикийн шинжилгээ хийжээ.

Сонирхолтой нь, илэрсэн ДНХ-ийн дунд:

• Хэд хэдэн хүний митохондрийн ДНХ

• Лууван, улаан буудай, эрдэнэ шиш зэрэг ургамлын ДНХ

• Үхэр, гахай, тахиа, нохой, муур зэрэг амьтдын ДНХ

• Газар дундын тэнгисийн улаан шүртэй холбоотой генетикийн ул мөр байжээ.

Гэхдээ хамгийн чухал нь: Энэхүү судалгаа Турины даавуу Есүс Христийн үеийнх гэдгийг батлаагүй. Харин олон зууны турш хүмүүсийн гар хүрч, янз бүрийн орчинд хадгалагдсан түүхийг нь ДНХ-ийн ул мөрөөр судлах боломж олгосон байна. Даавууны яг хэдийд, хаана үүссэнийг эрдэмтэд одоогоор тогтоогоогүй хэвээр байна.