Эрчим хүчний салбарын ирэх оны төлөвлөгөөний талаар Сангийн болон Эрчим хүчний сайд нарын мэдэгдэл анхаарал татаж байна.

Сангийн сайд З.Мэндсайхан эрчим хүчний салбарт 39 томоохон төсөл, хөтөлбөр хэрэгжүүлж, ТЭЦ-5, ТЭЦ-6 станцын төслүүдийг 2027 онд эхлүүлж, дуусгах зорилт тавьснаа мэдэгдэв.

Харин Эрчим хүчний сайд Б.Найдалаа салбарт 479 тэрбум төгрөгийн төсөв батлагдсан ч үүний 261 тэрбум нь хөрөнгө оруулалтын зардал бөгөөд эрчим хүчний эх үүсвэр, дэд бүтэц, шугам сүлжээний тулгамдсан асуудлыг шийдвэрлэхэд хангалтгүйг онцоллоо.

Нэг талд 39 төсөл, ТЭЦ-5, ТЭЦ-6-гийн томоохон зорилт. Нөгөө талд хөрөнгө оруулалт хүрэлцэхгүй гэсэн салбарын сайдын байр суурь.

Тэгвэл зарласан төслүүдийн санхүүжилт хэрхэн шийдэгдэх вэ? 2027 онд хэрэгжүүлнэ гэсэн амлалтууд бодит ажил болох уу?