Хотын дарга маргааш 11.00 цагт нийслэлээс УИХ-д сонгогдсон 20 гишүүнтэй Хангарьд ордонд  уулзалт хийх гэж байна. Нийслэлээс сонгогдсон  гишүүд жил бүрийн яг энэ үед Засаг даргатай уулзаж  нийслэлийн төсвийн талаар хэлэлцдэг. Тэрчлэн Хотын дарга Г.Мөнхбаярын санаачлагаар  болж буй  тус  уулзалтаар одоо яригдаж байгаа төсвийн тодотголд нийслэлд хэчнээн төгрөг ногдох, хөрөнгө оруулалт бүтээн байгуулалтын ажлын талаар ярилцах аж. Өнгөрсөн жил гишүүд нийслэлийнхэнтэй санал бодлоо солилцож нийслэлийн төсвөөс нийтийн тээвэрт олгодог байсан татаасыг нийслэлд нь зарцуулах талаар санал солилцож ажил хэрэг болж байсан. Хотын дарга ч шаардлагатай байгаа төсөв, хөрөнгийн асуудлыг шийдүүлж, учир шалтгаанаа тайлбарлахаар ийнхүү УИХ-ын гишүүдтэй уулзах хүсэлтийг тавьжээ.