Гэгээн хайрын баярын өдрийг хүмүүс зөвхөн хосууд баярладаг өдөр гэж ойлгодог мөн тийм байдлаар тэмдэглэсээр ирсэн. Харин нэгэн санаа, зорилго дор нэгдсэн залуучууд энэхүү баярын өдөр хүмүүнлэгийн үйл бүтээхээр нэгджээ. Интернет хэрэглэгч залуучууд нэгдэн олон төрлийн хүмүүнлэгийн ажил хийдэг юм байна. Тэд энэ удаа валентиний баяраар “Сэтгэлийн дулаан бэлэглье” арга хэмжээг зохион байгуулж Тохижилт үйлчилгээний ажилчидыг /ТҮК/ халуун аарц, чанасан адууны махаар дайлж, сэтгэлийн дулаанаар бэлэг барих гэж байна. Энэхүү арга хэмжээ дөрөв дэхь жилдээ зохион байгуулагдаж байгаа ба Facebook-ийн хүмүүнлэгийг сүлжээ хуудас, “Төгс шийдэл залуусын оролцоо” ТББ хамтран зохион байгуулдаг юм байна.  Мөн biznetwork.mn  facebook.com сайтын хэрэглэгч залуус тэдэнтэй нэгдэхээ илэрхийлжээ. С.Заяа