Бага насны хүүхдийг харгалзах хүнгүйгээр гэрт нь  цоожилж орхисноос гал түймэрт өртөн амь насаа алдсан хэрэг өчигдөр гарчээ. Тодруулбал, Чингэлтэй дүүргийн наймдугаар хороо, Зүүн тасганы есдүгээр гудамжны дугаар тоотод байшин шатаж байна гэсэн дуудлага 14.12 цагт НОБГ-т ирсэн байна. Аврах, гал унтраах 10 дугаар ангийн гал унтраах нэгдүгээр тасгийн гал сөнөөгчдийг газар дээр нь очиход 4х6 метрийн хэмжээтэй байшин шатаж байсныг унтрааж ажиллажээ. Уг гал түймэрт 5, 7 настай хүүхдүүд өртөж амь насаа алдсан бөгөөд гал гарах үед харгалзах хүнгүйгээр гаднаасаа цоожлуулсан байдалтай байжээ. Гал гарсан шалтгаан нөхцлийг тогтоохоор шинжээч ажиллаж байгаа ба бага насны хүүхдийг харгалзах хүнгүйгээр үлдээхгүй байхыг НОБГ-аас анхааруулж байна.   П.Наран