Говь-Алтай аймгийн Мэргэжлийн хяналтын газраас өнгөрсөн сард Алтай–Баянхонгор чиглэлд барьж байгаа 128 км хатуу хучилттай авто зам болон Тайшир сумын  222 м бетон гүүрийн ашиглалтын байдалд шалгалт хийжээ.   Шалгалтаар 2011 онд хийсэн 25  км хатуу хучилттай авто замын хучилтын 42 хэсэгт 275 м.кв талбайтай хууралт үүссэн, Авто  замын суурьт 20 см зузаантай буталсан чулуу ашиглахаар заасан боловч байгалийн элс хайрганы хольц лаборторийн шинжилгээнд хамруулж, орцын норм тогтоолгоогүй шууд  ашигласан,Тайширын голын ус ихэсч, төмөр бетон гүүрийн дам нуруунд тулж гүүрийн  ашиглалтад муугаар нөлөөлөхөөр болсон зэрэг зөрчлүүд илэрчээ.   Тиймээс Алтай- Баянхонгор чиглэлийн хатуу хучилттай авто замын хучилт хийсэн 25 км замын хучилтыг хуулж, гүйцэтгэгч Шин Жиан  Шин-Фа ХХК-иар дахин хийлгэхээр болсон байна.   Д.Цэцэг