УИХ-ын Байгаль орчин, хүнс, хөдөө аж ахуйн байнгын хорооноос намрын чуулганы хугацаанд хийсэн ажлынхаа талаар мэдээллээ. Тус хэвлэлийн бага хуралд УИХ-ын Байгаль орчин, хүнс хөдөө аж ахуйн байнгын хорооны дарга Д.Балдан-Очир, УИХ-ын гишүүн Б.Бат-Эрдэнэ, Г.Баярсайхан, Д.Тэрбишдагва, Р.Раш нар оролцсон юм. АБГБ-ын байнгын хорооноос хэд хэдэн томоохон хуулийн төслийг хэлэлцэн УИХ-д хэлэлцүүлэхээр шилжүүлсэн аж. Мөн Засгийн газраас өргөн барьсан Газрын тухай 18 багц хуулийн шинэчилсэн найруулгыг хэлэлцэн УИХ-ын хаврын чуулганаар хэлэлцэх бэлтгэлийг хангаад байгаа  аж. Газрын тухай хуулийг дөрвөөс тавдугаар сард багтаан батлуулахаар төлөвлөжээ. Байгаль орчны бодлогын шинэчлэлийн стратеги батлах тухай УИХ-ын тогтоолын төслийг хаврын чуулганаар хэлэлцэхээр бэлтгэхээс гадна, Хүнсний аюулгүй байдлын тухай хуулийг өргөн барихаар болжээ. С.Жигүүр