Цагаан сарын дараа талхны үнэ 50-100 төгрөгөөр нэмэгдээд байгаа. Талхны үнийн өсөлтийн талаар  “Талх-чихэр” ХК –ний удирдлагууд Монгол ньюс мэдээллийн төвд мэдээлэл хийлээ.   Тус байгууллага өнөөдрийн байдлаар 20 гаруй төрлийн талх, талхан бүтээгдэхүүн үйлдвэрлэдэг. Гэхдээ бүх бүтээгдэхүүнийхээ үнийг нэмээгүй “Зууван”, “Ургац”, “Мишээл” зэрэг 4-5 төрлийн талхны үнийг нэмсэн.   Эдгээр талх нь зөвхөн эрүүл мэндийн зохицуулах үйлчилгээтэй, зүссэн талхнууд бөгөөд бензин шатахууны үнэ нэмэгдсэнтэй холбоотой. Ер нь талхны үйлдвэрлэл үнэгүйдээд байгаа ч бид хэрэглэгчдэд аль болох дарамт болохгүйгээр үйлдвэрлэлээ өргөжүүлж, шинэ техник технологи нэвтрүүлдэг.   Хэрэглэгчдэд цаг алдалгүй талх, талхан бүтээгдэхүүнийг нийлүүлэхээр түгээлтэд явдаг автомашинууд маань цөм түлшээр ажилладаг. Талхны үйлдвэрлэл "үнэгүйдэж" байгаа энэ цаг үед цаашид бензин шатахууны үнэ дагаж, бид ч бас үнээ нэмэхийг үгүйсгэхгүй гэв.   П.Наран