Нийгмийн эмзэг бүлгийн, малчин, орлого багатай, хотын захын хорооллын өрхийн багачуудыг цэцэрлэгт тэгш хамруулах боломжийг нээсэн нэгэн төсөлд өчигдөр БСШУ-ны сайд Ё.Отгонбаяр гарын үсэг зурлаа. Бүх нийтийн боловсролын үр дүнд түргэн хүрэх санаачилгын түншлэл байгууллагатай хамтран уг төслийг 2012-2014 онд хэрэгжүүлэх бөгөөд 100 хүүхдийн хүчин чадалтай цэцэрлэг гурвыг Улаанбаатарт, нийт 37 цэцэрлэг барьж холбогдох тавилга, тоног төхөөрөмжийг нийлүүлэхээр болсон байна. Уг төслийн хүрээнд манай улсын боловсролын салбарт 10 сая ам.долларын тусламж авч байгаа юм. С.Жигүүр