Монголын эдийн засгийн форумын хүрээнд “IPO Mongolia-2012” чуулга уулзалт өнөөдөр “Blue sky tower”-т боллоо. Хуралд Монголын хөрөнгийн бирж дээр хувьцаа гаргах сонирхолтой гадаад, дотоодын 100 гаруй компанийн төлөөлөгчид, Монголын хөрөнгийн бирж болон Санхүүгийн зохицуулах хорооны удирдлагууд оролцов. Монголын хөрөнгийн бирж дэлхийн хэмжээний бирж болохын тулд  үндэсний компаниудыг Монголдоо IPO хийж, дэмжиж ажиллахыг уг чуулга уулзалтаар уриаллаа. Энэ хүрээнд Монголын хөрөнгийн бирж дээр гарахад анхаарах зүйлс, дүрэм журам, техник, технологийн шинэчлэл, дэд бүтэц гэх мэт олон асуудлаар албаны хүмүүс оролцогчдод мэдээлэл өгөв. Н.Дэлгэр