УИХ-ын сонгууль дөхөж, сонгогчдын нэрсийн жагсаалт гарах гэж байгаатай холбоотойгоор иргэний бүртгэлийн асуудал яригдах болсон. Иргэний шинэчилсэн бүртгэлийн дүнгээр 40-50 мянган иргэн бүртгэлийн зөрчилтэй гэж гарчээ.Харин Иргэний бүртгэлийн газарт манай улсын 16 мянга гаруй иргэн бүртгэлийн зөрчилтэй, 629 хүн огт бичиг баримтгүй, 21 мянга хүний мэдээлэл тодорхойгүй гэсэн статистик байгаа аж.
Иргэний бүртгэлийн зөрчлийн шалтгаан нь иргэдийн хариуцлагагүй, оролцоогүй байдлаас үүдэлтэй олон жил хуралдсан асуудлууд байдаг гэнэ. Гэхдээ 2010 онд явуулсан шинэчилсэн бүртгэл, хүн ам орон сууцны тооллогын дүн маш бага хэмжээгээр зөржээ.
Үүнийг бүртгэлийн мэргэжилтнүүд манай улсын иргэний бүртгэл цэгцэрч байгаагийн илэрхийлэл гэж үзсэн байна. Түүнчлэн 2011 онд нийслэл хотод 20 хороо шинээр байгуулагдснаас үүдэлтэй иргэд хаягийн шилжүүлгээ хийлгэхгүй байх зөрчил их байгаа аж.
П.Наран
СЭТГЭГДЭЛ БИЧИХ