Нийслэлийн Засаг дарга бөгөөд Улаанбаатар хотын Захирагч Г.Мөнхбаяр өнөөдөр Сүхбаатар дүүрэгт ажиллана.Тэрээр тус дүүрэгт өсвийн хөрөнгө оруулалтаар хийгдэж байгаа төсөл арга хэмжээнүүдийн хэрэгжилтийн байдалтай танилцах юм байна.   Ажлын хэсэг 16.00-16.40 цагийн хооронд Сүхбаатар дүүргийн нэгдсэн эмнэлгийн засварын ажлыг хүлээн авах ажиллагаанд оролцох бол 16.50-17.20 цагийн хооронд Дүүргийн Төр захиргааны нэгдсэн барилгын ажлын явцтай танилцах аж.   Мөн 17.20-18.00 цагийн хооронд “Сэлбэ голын урсацыг нэмэгдүүлэх, орчныг тохижуулах” төслийн гүйцэтгэлийн явцтай танилцаж, 19.00-20.00 цагийн хооронд тус дүүргийн зарим хороодын гэрэлтүүлэг шинэчлэлийн ажилтай танилцах юм байна.   Д.Цэцэг