”Шударга өрсөлдөөн ба хэрэглэгчийн эрх” сэдэвт уулзалт ”Чингис” зочид буудалд болж байна. 12.00 цагт Сэлэнгэ аймгийн Засаг дарга, МҮЭХ холбоо нийгмийн хариуцлагын чиглэлээр хамтран ажиллах гэрээнд гарын үсэг зурна. ЭМЯ-ны Мэдээлэл сургалтын төвийн Б танхимд 11.00 цагт “Эрүүл хүүхэд” аянд зориулсан хэвлэлийн хурал болно. БСШУЯ-ны 401 тоотод “Яамдын шинжлэх ухаан, технологийн зөвлөлийн чадавхийг бэхжүүлэх” сэдэвт семинар 09.00 цагт болно. Семинарыг БСШУ-ны сайд Ё.Отгонбаяр нээнэ. ХХААХҮЯ, ХААИС хамтран зохион байгуулж буй “Мал аж ахуйн үйлдвэрлэл XXI зуун” онол үйлдвэрлэлийн бага хурал ХААИС-ийн хурлын зааланд 10.00 цагт эхэлнэ. 10.30 цагт УИХ-ын гишүүн Я.Батсуурь, П.Алтангэрэл нар Төрийн ордны Г танхимд хэвлэлийн бага хурал хийнэ. Мөн 12.00 цагаас тус танхимд АН-ын бүлгийн ахлагч, дэд ахлагч нар хэвлэлийн бага хурал хийхээр болжээ. С.Заяа