Дорноговь аймгийн Замын-Үүд суманд “Тээвэрлэлтийг хурдасгая-2012” зөвлөлгөөн боллоо. Зөвлөлгөөнд Улаанбаатар төмөр замын удирдлага, Засгийн газрын бүрэн эрхт төлөөлөгч, Гаалийн ерөнхий газар, Мэргэжлийн хяналтын ерөнхий газар, Хил хамгаалах ерөнхий газар, Азийн хөгжлийн банк, Барилгын материал үйлдвэрлэгчдийн холбоо, тээврийн Цоглог ван, Борхойн бумба ХХК зэрэг төрийн болон төрийн бус байгууллагуудын удирдлага, бие төлөөлөгчид оролцсон байна. Зөвлөлгөөний үеэр холбогдох байгууллагуудаас мэдээлэл хийж, тээвэрлэлтэд гарч буй хүндрэлтэй асуудлыг хэрхэн шийдвэрлэх талаар хэлэлцэж, хэлэлцүүлгээс гарсан шийдвэрийг холбогдох байгууллагуудад хүргүүлэхээр шийдвэрлэлээ. П.Наран