Английн “Манчестер Юнайтед”-ын довтлогч Уэйн Руни Премьер лигийн наймдугаар тойрогт “Энфилд”-д “Ливерпуль”-тай тоглохын өмнө сэтгэгдлээсээ хуваалцжээ.Тэрээр Ливерпуль хотын “Эвертон” багт мэргэжлийн хөлбөмбөгчийн гараагаа эхэлсэн юм. Хэдийгээр одоо “Манчестер Юнайтед”-д тоглодог ч гэсэн “Эвертон”-ыг дэмжсээр байдгаа Руни нуудаггүй. “Манай гэр бүлийнхэн бүгдээрээ “Эвертон”-ыг дэмждэг. Би ч цагтаа “Эвертон”-д тоглож байсан. Тиймээс “Ливерпуль”-тай хийх тоглолт бол миний хувьд онцгой явдал. Үүнээс гадна тэд бол “Манчестер Юнайтед” гол дайсантайгаа тулах гэж байна. “Ливерпуль”-ийг хожиход онцгой таашаал авдаг. “Энфилд” бол тоглоход тун хүнд стадион. Тэд энэ улиралд шилдэг дөрөвт багтахыг хүсч буй болохоор бидний эсрэг хүчтэй тоглох байх. Бид ч тэднийг хожихыг хичээх болно” гэж Руни хэлжээ.

Р.Гэгээ