Европын аварга шалгаруулах тэмцээнд оролцох эрхийн төлөө нэмэлт тоглолтын сугалаа өчигдөр Польшийн Краков хотноо боллоо. Хорват, Португал, Босни, Турк, Эстони, Ирланд, Чех, Монтенегро зэрэг найман баг сугалаанд оролцсноос Турк-Хорват, Эстони-Ирланд, Чех-Монтенегро, Босни-Португалтай учраа таарчээ. Эхний нэмэлт тоглолтууд арваннэгдүгээр сарын 11-12-нд явагдах бол хариу тоглолт мөн сарын 15-нд болно. Хөлбөмбөгийн Европын аварга шалгаруулах тэмцээн Польш, Украины найман хотын стадионд ирэх оны зургадугаар сарын 8-наас долдугаар сарын 1-ний хооронд явагдах юм.

Р.Гэгээ