ЭНЭШТ-ийн Үр судлалын лабораторийн эрхлэгч, Аанагаах ухааны доктор, профессор Ж.Раднаабазар 100 жилийн дараа эрэгтэй хүмүүс эмэгтэйчүүдээс ялгагдах юмгүй болно хэмээн дурьджээ. Генетикчдийн тогтоосноор хүн төрөлхтний эмэгтэйших үзэгдэл өнгөрсөн зууны наяад оноос эхтэй гэнэ. Дэлхий нийтэд түгээмэл болсон энэ үзэгдэл цаашид улам хурдсах бөгөөд тавин жилийн дараа огт ялгах боломжгүй болох аж. Харин түүнээс цааших тавин жилд нь эр хүйстэн үгүй болох үзэгдэл аюулын харанга цохиж байгаа нь хүний генд байдаг эр хүйс бүрэлдүүлэгч “Y” хромосом мөхлийн ирмэгт ирлээ гэсэн үг гэнэ.