УИХ-ын чуулганы өнөөдрийн /2022.03.24/ үдээс өмнөх нэгдсэн хуралдаан 10.15 цагт эхэлж, Зарим төрлийн төрийн хяналт шалгалтын үйл ажиллагааг түр зогсоох тухай хуулийн төслийн хэлэлцэх эсэх асуудлыг хэлэлцлээ.
ОХУ-ын Онцгой байдлын штабаас Орос, Монгол Улс, Казахстан хоорондын хуурай замын хилийн хориог цуцаллаа. Ингэснээр 2022 оны 03 дугаар сарын 30-ны өдрийн 00.00 цагаас эхлэн Монгол болон Казахстаны иргэд ОХУ руу нэвтрэх боломжтой болж байна. Хиагт-Алтанбулагийн хилээр зөвхөн ачаа тээвэр нэвтрүүлж байсан. Харин энэ сарын 30-ны өдрөөс эхлэн иргэд чөлөөтэй нэвтрэх боломжтой болж байна. Мөн ОХУ-ын иргэд ч Монгол болон Казахстан руу чөлөөтэй нэвтрэх юм.
“...Оросын Сбербанк Улаанбаатарт Монголын бүх долларыг ачаад яваам байна...” гэсэн утгатайгаар тархсан нь худал мэдээлэл болно.
“Монгол цэргийн өдөр”, орчин цагийн Зэвсэгт хүчин үүсэн байгуулагдсаны 101 жилийн ойг тохиолдуулан Монгол Улсын Ерөнхийлөгчийн зарлигаар ОБЕГ-ын харьяа 115 дугаар ангийн шуурхай ажлын автомашины жолооч-аврагч, ахлах ахлагч Г.Бямбасүрэн “Монгол Улсын Гавьяат тээвэрчин” цол хүртсэн билээ. Онцгой байдлын албанаас төрсөн 11 дэх, аврагчдаас төрсөн 4 дэх Гавьяат Г.Бямбасүрэнг Монгол Улсын Шадар сайд С.Амарсайхан өнөөдөр хүлээн авч, хүндэтгэл үзүүллээ.
Улсын хэмжээнд 2022 оны эхний хоёр сард цагдаагийн байгууллагад нийт 7866 гэмт хэрэг бүртгэгдсэн нь өмнөх оны мөн үеэс 3868 нэгжээр буюу 96.7 хувиар өссөн үзүүлэлттэй байна.
Өмнө хоригууд нь ОХУ Крымийг өөртөө нэгтгэсэнтэй холбоотой бөгөөд 2014 онд Крымд олон нийтийн санал асуулгаар ОХУ-ын бүрэлдэхүүнд багтах шийдвэр гарч, Крымийн Бүгд Найрамдах Улс болон Украинаас салсныг дэлхийн олон улс орон "Украины нутаг дэвсгэрт халдсан хэрэг" хэмээн үздэг юм.
Хотын стандартыг батлан гаргаснаар богино хугацаанд буюу 1-2 жилийн хугацаанд стандартын талаарх мэдлэг сайжирч, хотын хөгжилд иргэдийн оролцоо нэмэгдэж, хүн бүр стандарт шаардлагыг хянах боломжтой болох бол дунд хугацаанд хотын соёл төлөвшиж, хууль тогтоомж, стандарт, нормын зөрчилж буурч, хөрөнгө оруулалтын ажлын үр дүн сайжирч, орчны таагүй нөхцөлөөс үүдэлтэй осол гэмтэл, өвчлөл буурахын сацуу урт хугацаандаа нийгмийн үйлчилгээний хүртээмж сайжирч, иргэдийн сэтгэл ханамж дээшилнэ гэж тооцож байгаа гэсэн юм.
Тус тэмцээнд оролцох чөлөөт бөхийн баг тамирчдаа нэгдүгээр сарын дундуур “Сорилго” тэмцээнээр сонгосон билээ. Тэгвэл сонгомол бөхийн төрөлд оролцох бөхчүүдээ өнөөдөр чөлөөт бөхийн эмэгтэйчүүдийн зааланд сонгов. Азийн аваргын сонгомол бөхийн төрөлд дагнан бэлтгэгдэж буй 23 хүртэлх насны Азийн АШТ-ий мөнгөн медальт ОУХМ М.Даваабанди, хүрэл медальт ОУХМ Г.Ханбүргэд нар шууд оролцох бол үлдсэн жингүүдэд сорил барилдаан хийж сонгосон юм. Сонгомол бөхийн багийг тамирчдыг Монгол Улсын гавьяат дасгалжуулагч Бямбаренчингийн Баяраа бэлтгэл сургуулилтыг гардан удирдаж оролцуулна.
үүний энэ мэдэгдэл Оросын үндэсний валютын ханшид нөлөөлсөн байна. Путин гуравдугаар сарын 23-ны өдөр ийм мэдэгдэл хийснээс хэдхэн минутын дараагаас доллартай харьцах рублийн ханш чангарч эхэлжээ.
Америкийн захиргаа Оросын Төрийн Думын гишүүдийн ихэнхийн эсрэг шинээр хориг тавихаар бэлтгэж байгаа талаар Wall Street Journal мэдээлжээ.
Монголбанкны ерөнхийлөгч Б.Лхагвасүрэн “Олон улсын харилцааны хурцадмал байдлаас үүдэн дэлхий дахинд тодорхой байдал нэмэгдэж, газрын тос, байгалийн хийн үнэ огцом өсөж, инфляци даамжирч, эдийн засгийн өсөлт удаашрах эрсдэлтэй тулгараад байна. Манай улсад ч энэ байдал нөлөөлж, шатахуун болон бусад импортын бүтээгдэхүүний дам нөлөөгөөр инфляци эрчимжиж, үйлдвэрлэлийн зардал нэмэгдэж, эдийн засгийн өсөлтийг сааруулж байгаа”-г онцолж байна.
Өмнөд Солонгосын цэргийнхэн ч мөн БНАСАУ "үл мэдэгдэх" пуужин харвасан талаар мэдээлсэн байна.
Э.Бат-Үүл дарга прокурортой уулзах хүсэлт хэд хэдэн удаа гаргасан юм байна. Харамсалтай нь прокурорууд очиж уулзаагүй. Яагаад зугтаж байгаа юм. Та нар шударга бусаар ял өгсөндөө айсандаа очиж чадахгүй байгаа юм уу. Очоод уулз. Ёс зүйтэй бай. Та нарыг хараад хуулийн сургуульд сурч байгаа оюутнууд ичиж байгаа шүү. Үндсэн хуулиар олгогдсон халдашгүй эрх шүү. Та нар шиг эвэртэн туурайтан хязгаарладаггүй шүү
Монгол Улсын валютын нөөц тэрбумаар багассан гэж холбогдох хүмүүс нь ярьж байна. Яагаад валютын нөөцийг хэвийн хангах ажлыг хийхгүй байгаа юм. Монгол банк болон эрх баригчдын ажил шүү дээ. Өнөөдөр ажил, орлоготой байж иргэд нь архи уудаггүй болохоос биш, архийг асгаж шоу үзүүлснээр архинаас гардаггүй юм. Адуу бөхийлгөж Ардчиллын үнэт зүйлсийг хамгаалдаггүй юм. Ардчиллын үнэт зүйл зарчмыг өөрөөр хамгаалдаг юм. Монголын улс төр эмгэнэлтэй.
Японы Засгийн газар Украинд хүмүүнлэгийн тусламж үзүүлэх зорилгоор нэмэж 100 сая доллар зарцуулахаар төлөвлөж байгаа талаар NHK агентлаг мэдээлжээ.
Засгийн газрын тогтоол гарсантай холбогдуулан Төрийн өмчийн бодлого, зохицуулалтын газрын хорооны хурал сая болж өндөрлөлөө. Хорооноос тогтоол гаргасан. Тодруулбал, 2015 онд УИХ, Засгийн газрын шийдвэр гарсны дараа ТӨБЗГ-ын шийдвэр гарч өмч хувьчлалын холбогдох шийдвэрийг гаргасан байсан. Тухайн үеийн Төрийн өмчийн хорооны шийдвэрийг өнөөдөр ТӨБЗГ хүчингүй болгож байна. Ингэснээр Засгийн газрын тогтоол бүрэн утгаараа хэрэгжиж, хувьчлалын үйл ажиллагааг цуцалж байна гэж ойлгох хэрэгтэй. Үүнтэй уялдуулан зарим зохион байгуулалтын арга хэмжээнүүдийг авахаар тогтоолд тодорхой зааж өгсөн. Хэвлэлийн хурлын дараа Хөтөлийн цемент шохойн үйлдвэрт ажлын хэсэг ажиллана.
Сүхбаатар дүүргийн Газар зохион байгуулалтын албанаас 10 дугаар хорооны нутаг дэвсгэрт байрлах 17 дугаар цэцэрлэгийн баруун талын зөвшөөрөлгүй 21 гаражийг өнөөдөр буулгаж, газрыг чөлөөллөө.
Украины Ерөнхийлөгч Владимир Зеленский дэлхий нийтэд хандан Украины эсрэг "түрэмгийлэгч Орос" улсын өдөөсөн дайныг зогсоохыг уриалжээ. Тэрбээр хүн бүрийг Украиныг дэмжихийг хүсэн, гуравдугаар сарын 24-ний өдрөөс эхлэн оршин суугаа газрынхаа гудамж, талбайд гаран, дайныг эсэргүүцэхийг уриалсан байна
УИХ-ын чуулганы өнөөдрийн нэгдсэн хуралдааны үеэр УИХ-ын гишүүн Б.Энхбаяр Монгол Улсын хуулийн дээд байгууллагуудын удирдлагын хооронд “зодоон” болоод буй талаар ярилаа.