Өчигдөр нийслэлийн хэмжээнд I тунд 7, II тунд 15, III тунд 98, IV тунд 84, нийт 204 иргэнийг дархлаажууллаа.Вакцинжуулалт эхэлснээс хойш нийслэлийн зорилтот хүн амын I тунгийн хамралт 75.2 хувь, II тунгийн хамралт 72.1 хувь, III тунгийн хамралт 54 хувь, нэмэлт IV тунгийн хамрагдалт 6.8 хувь байна.
Өнөөдөр зүүн аймгуудын нутгийн зүүн хэсгээр нойтон цас, цас орж, цасан шуурга шуурахыг анхааруулж байна.
Энэ талаар бид хувийн компанийнхантай уулзлаа. Орц, гарц гаргаж, машины зогсоол байгуулахдаа явган хүний замыг нарийсгаад давхар бродюр тавьчихсан байх магадлалтай. Түүнээс нийслэл болон улсын төсвөөс болон Замын хөгжлийн газраас хийгдээгүй ажил. Намъянжугийн гудамжинд хувийн компани зогсоол байгуулахдаа явган замын бродюртэй давхардуулсан байгааг бид шалгаж, тодруулж байна.
Хүнс, хөдөө аж ахуй, хөнгөн үйлдвэрийн сайд З.Мэндсайхан, тус яамны хүнсний асуудал хариуцсан дарга, бусад албаныхан болон ШӨХТГ-ын дарга С.Мөнхчулуун нар хүнсний үйлдвэрлэл эрхлэгчид, махны холбоод, худалдаа, үйлчилгээ эрхлэгч томоохон аж ахуйн нэгжүүдийн төлөөллийг хүлээн авч уулзлаа. Уулзалтаар гол нэрийн хүнс, барааны үнийг тогтвортой байлгах, цаашид нэмэгдүүлэхгүй байх, нэмүү өртгийн зардлыг бууруулах ямар боломж байгааг ярилцсан юм.
БОАЖ-ын сайд Б.Бат-Эрдэнэ, БОАЖЯ-ны Төрийн нарийн бичгийн дарга Э.Баттулга, Тусгай хамгаалалттай бүс нутгийн удирдлагын газрын дарга Д.Батмөнх нарын албаны хүмүүс өнөөдөр /2022.04.23/ Богдхан уулын Жаргалантын ам, Нүхтийн аманд олгогдсон замбараагүй газар олголт, байгаль орчинд халгаатай бүтээн байгуулалтын нөхцөл байдалтай танилцаж, газар дээр нь очиж ажиллав.
Засгийн газрын Иргэд, олон нийттэй харилцах 11-11 төвд ирсэн иргэдийн хүсэлтийн дагуу Монгол Улсын Ерөнхий сайдын нэрэмжит сургалтын тэтгэлгийн бүртгэлийн хугацааг 2022 оны тавдугаар сарын 02-ны 17:00 цаг хүртэл сунгалаа.
Говь-Алтай аймгийн Төгрөг сумын Сумын төвд хүчтэй шороон шуурга шуурч гэр нурж, байшингийн дээвэр хууларсан тухай мэдээллийг 04.24-ний өдрийн 20:35 цагт хүлээн авсан байна.
Засгийн газрын 2019 оны тогтоолын дагуу жил бүрийн тавдугаар сарын 1 хүртэл хугацаанд хурдан морины уралдааныг хориглосон байдаг. Уяачдын хувьд бүтэн жилийн турш морио сойж, унаач хүүхэд, туслах уяач гарган тодорхой ажлын байрыг бий болгож тавдугаар сараас эхлэх хурдан морины уралдаанд бэлтгэдэг. Гэтэл уралдаан эхлэхээс найман хоногийн өмнө хориглосон гэнэтийн шийдвэр гаргасан. Үүнийг Монголын үндэсний морин уралдаан, уяачдын холбооны зүгээс эсэргүүцэж байна.
УИХ-ын гишүүн Н.Алтанхуяг Орхон аймагт бие даан нэр дэвшиж, УИХ-д сонгогдсон.
Сүүлийн 24 цагийн хугацаанд улсын хэмжээнд 15 халдвар шинжилгээгээр батлагдлаа. Үүний 10 нь Улаанбаатарт, 5 нь орон нутагт бүртгэгдсэн байна. Харин нас баралт бүртгэгдээгүй байна. Өнөөдрийн байдлаар эмнэлэгт 212 хүн хэвтэн эмчлүүлж байна. Тэднээс 5 хүн хөнгөн байна.
Тун удахгүй бүх нийтээр мод тарих өдөр тохионо. Тодруулбал, жил бүрийн 5, 10 дугаар сарын хоёр дахь БЯМБА гарагийг бүх нийтээр мод тарих өдөр болгон хуульчилсан.
Та Элсэлтийн ерөнхий шалгалтад бүртгүүлж амжаагүй бол https://eyesh.eec.mn/ цахим хуудсаар дамжуулан онлайнаар бүртгүүлээрэй. Хэрэв та бүртгэлийн дугаар, нууц үгээ авсан хэдий ч шалгалт өгөх хичээлээ сонгоогүй байгаа бол бүртгэлийн хугацаанд хичээл сонголтоо хийж, төлбөр төлснөөр таны бүртгэл баталгаажих болохыг анхааруулж байна.
Бельги, Франц, АНУ гэхэд 2021 оны 3-р сарын мэдээлэлд үндэслэн сэтгэл түгшүүр, сэтгэл хямралын шинж тэмдэгтэй залуучуудын эзлэх хувь хямралын өмнөх үеийн хамгийн сүүлийн үеийн үзүүлэлтээс хоёр дахин их байсан. Мөн Их Британийн улсад сүүлд хийгдсэн үзүүлэлтийг 2018 оны үзүүлэлттэй харьцуулахад эмэгтэйчүүд дундах сэтгэл зүйн асуудал гурав дахин, эрэгтэйчүүд дундах сэтгэл зүйн асуудал дөрөв дахин өссөн. Харин Канадад 15-24 насныхны дунд хүнд хэлбэрийн сэтгэл түгшүүрийн шинж тэмдэгтэй залуусын тоо нэмэгдсэн бөгөөд энэ нь тухайн улсын 25-64 насныхны үзүүлэлтэй харьцуулахад 19 хувиар илүү гэсэн судалгаанууд гарсан. Бусад улс оронд ч гэлтгүй энэ байдал монголд ч бас ажиглагдаж байгаа.
Бөхийн төрлүүдийн 2022 оны насанд хүрэгчдийн Азийн аварга шалгаруулах тэмцээн дөрөвдүгээр сарын 19-24-нд Монгол Улсын нийслэл Улаанбаатарт боллоо. Эрэгтэйчүүдийн 35, эмэгтэйчүүдийн 24, сонгомол бөхийн 31 дэх удаагийн тэмцээнд Монгол, Бахрейн, БНСУ, Иран, Ирак, Йордан, Кыргызстан, Катар, Казахстан, Кувейт, Пакистан, Палестин, Тажикистан, Туркменистан, Сингапур, Сири, Узбекистан, Шри-Ланка, Энэтхэг, Япон гэсэн 20 орны 250 гаруй тамирчин бөхийн гурван төрөлд өрсөлдөв. 21 жилийн эх орондоо Азийн аварга шалгаруулах тэмцээнийг эх орондоо хүлээж авсан Монгол Улс нутгийн дэвжээн дээрээ эмэгтэй бөхчүүд дөрвөн мөнгө, таван хүрэл, эрэгтэйчүүд хоёр мөнгө, нэг хүрэл медальтай тэмцээнээ өндөрлүүллээ.
Ковидын үед ахуйн хэрэглээний хогийн хэмжээ эрс ихэссэн. Нийслэлийн хогийг гурван цэгт хуваан устгадаг. Эх үүсвэрээс нь төвлөрсөн хогийн цэгт аваачин ангилахад ердийн хэрэглээний, ахуйн хог харьцангуй бага. Харин аюултай хог хаягдал болон эмнэлгийн хог хаягдал хэмжээний хувьд өмнөх жилүүдээс хэд дахин ихэссэн.
Өнөөдөр Улаанбаатар хотод суурин 49 цэгт 49 багийн 186 эмч, ажилтан ажиллана. Та өөрт ойр вакцины аль ч цэгт очиж дархлаажуулалтад хамрагдах боломжтой. Дархлаажуулалтын цэгүүд 09:00-16:00 цаг хүртэл ажиллана.
Өнөөдөр Сэлэнгийн зүүн, Төв аймгийн баруун, Хэнтий, Дорнодын хойд хэсгээр цасан шуурга шуурч, Дундговь, Дорноговь, Говьсүмбэр, Сүхбаатарын нутаг, Хэнтий, Дорнодын өмнөд, Өмнөговийн зүүн хэсгээр салхи секундэд 18-20 метр, зарим үед секундэд 24 метрийг давж ширүүсэж, Дундговь, Дорноговийн нутаг, Сүхбаатарын өмнөд, Өмнөговийн зүүн хэсгээр хүчтэй шороон шуурга шуурна.
Өчигдөр нийслэлийн хэмжээнд I тунд 5, II тунд 10, III тунд 77, IV тунд 86, нийт 178 иргэнийг дархлаажууллаа. Вакцинжуулалт эхэлснээс хойш нийслэлийн зорилтот хүн амын I тунгийн хамралт 75.2 хувь, II тунгийн хамралт 72.1 хувь, III тунгийн хамралт 54 хувь, нэмэлт IV тунгийн хамрагдалт 6.8 хувь байна.
Сүүлийн 24 цагийн хугацаанд улсын хэмжээнд 30 халдвар шинжилгээгээр батлагдлаа. Үүний 25 нь Улаанбаатарт, 5 нь орон нутагт бүртгэгдсэн байна. Харин нас баралт бүртгэгдээгүй байна. Өнөөдрийн байдлаар эмнэлэгт 189 хүн хэвтэн эмчлүүлж байна. Тэднээс 7 хүн хөнгөн байна.
Цаг уурын байгууллагын ирүүлсэн мэдээллээр ирэх амралтын өдрүүдэд буюу 23-нд баруун аймгуудын нутгаар хүчтэй салхи, шороон шуурга, 24-нд баруун аймгуудын нутгаар, 25-нд нутгийн хойд хэсгээр нойтон цас, цас орж, цасан шуурга шуурч нутгийн өмнөд хэсгээр хүчтэй салхи, шороон шуурга шуурахыг онцгойлон анхааруулж байна.