Жирэмсний эхний гурван сард вакцины нөлөө ямар байх талаар одоогоор судлагдсан судалгаа байхгүй байна. Тиймээс болгоомжтой байхыг зөвлөдөг. Жирэмсний эхний гурван сард вакцин хийлгэхгүй байхыг зөвлөдөг. Судалгааны ажлын дараа ЭМЯ-наас өгнө.
ХХААХҮЯ-наас орон нутаг болон тариалан бүхий аймгуудын, Улаанбаатар хотоос орон нутагт очиж ажиллах тариаланчдыг вакцинд хамруулахаар болжээ.
Өмнөговь аймгийн есөн суманд 1203 хүнийг вакцинжуулалтад хамруулжээ. Ингэснээр тус аймагт 6330 хүн дархлаажуулалтад хамрагдсан байна. Монгол Улсын хэмжээнд нийт 226427 хүнийг вакцинжуулжээ.
Сүүлийн 24 цагийн хугацаанд 16 лабораторид нийт 12605 хүнд шинжилгээ хийлээ. Үүнээс 218 хүний шинжилгээнд коронавирус илрэв. Ингэснээр манай улсын нийт батлагдсан тохиолдол 5610 боллоо.
Нийслэлийн хэмжээнд өнөөдөр дараах цэгүүдэд коронавирусийн халдвар илрүүлэх шинжилгээг авна.
Сэлэнгэ аймгийн Сүхбаатар суманд коронавирус халдварын батлагдсан тохиолдол илэрсэнтэй холбогдуулан цар тахлаас урьдчилан сэргийлэх эрсдэлийг буруулах зорилгоор 2021 оны 03 дугаар сарын 24-ний өглөөний 07.00 цагаас 2021 оны 03 дугаар сарын 26-ны оройн 01:00 цаг хүртэл сумын хэмжээнд дараах арга хэмжээ, хязгаарлалт тогтоохыг үүрэг болгожээ.
Говьсүмбэр аймгийн Баянтал сумын Их-Уул багийн “Шилийн тээг” гэдэг газар 2021.03.23-ны өдрийн 22:47 цагт 5.5 магнитудын хүчтэй газар хөдлөлт боллоо. Газар хөдлөлтийн чичирхийлэл Улаанбаатар хот болон Булган, Дархан-Уул, Дундговь, Төв, Хэнтий аймгийн иргэдэд мэдрэгдэж олон нийт түгшүүрт автав.
Сумдын Онцгой комисс халдварын голомт бүртгэгдсэн бүс нутгаас ирэх Сэлэнгэ аймагт оршин суух байнгын бүртгэлтэй иргэдээ коронавируст халдварын PCR-ын шинжилгээний 72 цагийн хүчинтэй хариуг үндэслэн нэвтрүүлэх ба нэвтрэх үед нь түргэвчилсэн оношлуураар шинжилгээг авч, гэр бүлийн гишүүдийн хамт гэрийн ажиглалтад 7 хоног тусгаарлан ажиглах дэглэмийг мөрдүүлэхээр болов.
Улс, орон даяар гамшгаас урьдчилан сэргийлэх дадлага сургуулилалт маргааш болно. Энэ үеэр ШУА-ын Одон орон, геофизикийн хүрээлэнгээс Дундговь аймгийн Дэрэн, Дэлгэрцогт сумын заагт 7 магнитудын хүчтэй газар хөдөлтийг загварчилж Улаанбаатар хотод амжиж анхааруулах гамшгийн зарлан мэдээллэх системийг ажиллуулах сургалтыг зохион байгуулахаар төлөвлөжээ.
Хужирт сумын “Сэмжид Хужирт” рашаан сувилалд бүртгэгдсэн тохиолдлын ойрын болон дам хавьтлын 166 иргэний PCR шинжилгээний сорьцыг ЗӨСҮТ-ийн лабораторт шинжлүүлэхэд 27 тохиолдол батлагдлаа. Эдгээр батлагдсан тохиолдлоос Сэмжид-Хужирт сувилалд 23, Хархорин суманд 4 тохиолдол бүртгэгдлээ.
Монгол Улсын Засгийн газрын 2017 оны 67 дугаар тогтоолоор жил бүрийн гуравдугаар сарын дөрөв дэх долоо хоногийн лхагва гарагийг “Газар хөдлөлтийн аюулаас урьдчилан сэргийлэх, таниулах өдөр” болгох шийдвэрийг гаргасан бол пүрэв гарагт Зарлан мэдээллийн дуут дохиогоор ажилладаг уламжлалтай.
Засгийн газар хоорондын оюутан солилцох гэрээний дагуу Болгар, Вьетнам, Казахстан, Куба, Лаос, Румын Улсад 2021-2022 оны хичээлийн жилд суралцуулах тэтгэлэгт хөтөлбөр зарлагдлаа.
Засгийн газрын 2017 оны 67 дугаар тогтоолоор жил бүрийн 03 дугаар сарын дөрөв дэх долоо хоногийн Лхагва гарагийг “Газар хөдлөлтийн аюулаас урьдчилан сэргийлэх, таниулах өдөр” болгон шийдвэрлэсэн.Шийдвэрийн дагуу “Газар хөдлөлтийн аюулаас урьдчилан сэргийлэх, таниулах өдөр” өнөөдөр тохиож байна.
Вакцин хийлгэсний дараа тухайн хүний биеийн онцлогоос хамаарч хариу урвал илэрч болох юм. Тодруулбал, толгой өвдөх, халуурах, хөндүүрлэх шинж тэмдэг илэрнэ. Хариу урвалд бага өртөхийн тулд вакцины талаар тодорхой хэмжээний мэдлэгтэй байх, эмчийн үзлэгт орох ёстой. Эмчид үзүүлж хэрэв харшлах заалттай бол вакцин хийлгэхийг хойшлуулна. Хэрэв харшлах зүйлгүй тохиолдолд вакцинд хамрагдана. Вакцин хийлгэсний дараа 30 минут ажиглалтад байх шаардлагатай. Мөн вакцин хийлгэхээс өмнө архи, тамхи, мансууруулах эм хэрэглэж болохгүй.
Өнөөдөр Алтайн уулархаг нутаг болон говь, талын нутгаар салхи ширүүсэж, шороон шуургатай байхыг анхааруулж байна.
Билгийн тооллын XVII Жарны “Цөөвөр” хэмээх Цагаагчин төмөр үхэр жилийн Хаврын тэргүүн цагаагчин туулай сарын шинийн 11.
Ард иргэд айж, сандрах хэрэггүй. Газар хөдлөлтийн хүчээс хамаарч бага магнитудтай газар хөдлөлт болно. Аймгийн Онцгой комиссын мэдээлснээр газар хөдлөлтийн улмаас ямар нэг хохирол учраагүй байна.
УОК-ын шийдвэрээр гурван сард нийт 14 удаагийн нислэг үйлдэж байна. Маргааш Сөүл-Улаанбаатар чиглэлийн нислэгээр 165 иргэн ирнэ. Өнөөдөр УОК-ын даргаас өгсөн чиглэлийн дагуу ОХУ-аас нутаг буцах хүсэлтэй 20 гаруй хүнийг гуравдугаар сарын 30-ны өдөр нэвтрүүлнэ. Тухайн иргэдийг Дарханд тусгаарлана. Дөрөвдүгээр сард 12 удаагийн нислэгээр 2100 орчим иргэдийг татан авна.
Нийслэлийн хэмжээнд тусгаарлах байраар 37 зочид буудлыг ашиглаж байгаа аж. Мөн 9 зочид буудлын 600 гаруй өрөөг тусгаарлах байр болгохоор нөөцөлжээ. Ойрын хавьтлыг өөрийнх нь саналыг үндэслээд 7-14 хоногийн хугацаанд гэрээр нь тусгаарлах боломжтой юм байна.
Энэ хүрээнд тус төвийн вирус судлалын лабораторийн 3 судлаач, эрдэмтэн Япон улсын Токио хотын “Халдварт Өвчний Үндэсний хүрээлэн”- д SARS-CoV-2 вирусийн бүрэн генийн дарааллыг тогтоох шинжилгээ хийх сургалтад хамрагдахаар гуравдугаар сарын 25-нд буюу энэ Пүрэв гарагт Арлын Япон улсыг зорихоор болжээ.