“Hollywood.com” энэ оны хамгийн азгүй одоор дуучин Бейонсег тодруулжээ. Азгүй одоор тодруулсан гол шалтгаан нь 2013 оны нэгдүгээр сарын 21-нд Ерөнхийлөгч Барак Обамагийн тангараг өргөх ёслолын үеэр Бейонсед төрийн дуулал дуулахдаа ам барьсан нь илэрсэн юм. Түүнд уг ховорхон боломжийг “Цагаан ордон”-ы зөвлөлөөс олгосон билээ. Тангараг өргөх ёслол дээр дуучин Бейонсе үнэхээр гайхалтай дуулж, “Цагаан ордон”-ы өмнө цугларсан 70 мянга гаруй иргэнийг жинхэнэ утгаараа байлдан дагуулж, гайхалтай хоолойтой нэгэн хэмээн цоллуулсан юм.
1
Харин энэ бүх магтаал, дуучны нэр хүнд 24 цагийн дараа Жорж гэх цахилгаанчин залуугийн мэдэгдлээс болж газарт унахад хүрсэн. Дуучин бүсгүй тангараг өргөх ёслолын үеэр “ам барьсан” нь удалгүй илэрсэн юм. Тэргүүн хатагтай Мишель Обама “Цагаан ордон”-д болсон хүндэтгэлийн арга хэмжээний үеэр өнөөдөр Бейонсе нэг фэнээ алдлаа хэмээн хэлж” байсан удаатай. Тэргүүн хатагтай болон 70 мянган иргэнийг хуурсан шалтгаанаар дуучин бүсгүйг энэ оны азгүй одоор тодруулжээ.
1
Б.Дэлгэрцэцэг
Уншиж байна |