Монгол Улсын Гавьяат тамирчин, Олимпийн хошой хүрэл медальт буудлагын тамирчин Д.Мөнхбаяр Монгол Улсын иргэншлээ сэргээх хүсэлтээ 2013 оны зургаадугаар сард өгөөд байсан юм. Харин түүний хүсэлтэд Монголын талаас түтгэлзсэн хариуг өгчээ. Яагаад түтгэлзсэн талаар ИХШХЕГ-ын дарга Б.Пүрэвдорж тайлбар өгсөн юм. Тэрээр "манай улс давхар иргэншлийг хүлээн зөвшөөрдөггүй. Тиймээс Д.Мөнхбаяр Германы иргэнээс татгалзсан албан бичгээ авчрах ёстой. Харин Д.Мөнхбаяр энэ бичгээ авчрахгүй байгаа учраас бид үйлчилгээ үзүүлэх боломжгүй. Хэрэв тэр бичгээ аваад ирвэл бид гавьяатын иргэншлийг сэргээхэд бэлэн" гэсэн хариултыг өглөө.
.
Дашрамд дурдахад Д.Мөнхбаяр нь 2000 оны Сиднейн олимпт оролцсоныхоо дараа Герман руу нүүсэн бөгөөд 2002 онд Германы иргэншилтэй болсон юм. Тэрээр энэ оноос Мозамбик улсын буудлагын багийг дасгалжуулагчаар ажиллах гэрээ байгуулаад байгаа аж.
.
В.Бат