Нийслэлийн Засаг дарга нийслэлийн нутаг дэвсгэрт мал аж ахуй эрхлэх журам гаргажээ. Уг журамд нийслэлд бэлчээрийн мал аж ахуй, хагас бэлчээрийн мал аж ахуй, эрчимжсэн мал аж ахуй, хагас эрчимжсэн аж ахуй гэсэн хэлбэрээр хөгжүүлэхээр төлөвлөжээ. Багануур, Багахангай, Налайх дүүргийн зарим хэсэг болон таталцлалын бүсэд бэлчээрийн, хагас бэлчээрийн, хагас эрчимжсэн мал аж ахуйг эрхлэн явуулахаар заажээ.

Тодруулбал, Налайх, Багануур Багахангай дүүрэг Сонгинохайрхан дүүргийн 21, 32 дугаар хороо, Хан-Уул дүүргийн 12,13, 14 дүгээр хороо, Баянзүрх дүүргийн 11, 20 дугаар хороодын нутаг дэвсгэрт мал аж ахуй эрхлэж болох нь.

Харин мал аж ахуй эрхлэж болохгүй бүсэд хотын төвийн Баянгол, Чингэлтэй, Сүхбаатар дүүргийн нутаг дэвсгэрт бүхэлдээ, Баянзүрх, Сонгинохайрхан, Хан-Уул дүүргийн Гачуурт, Хонхор, Жаргалант, Эмээлт, Туул тосгон, Өлзийт хорооноос бусад бүх хорооны нутаг дэвсгэр болон Богд уул хамрагдах аж.

Б.Буд