Иракийн хэт даврагч “Халифын вант улс” бүлэглэл энэ амралтын өдөр христийн шашин шүтдэг Этиоп улсын 30 залууг цаазалж буй бичлэгээ олон нийтийн сүлжээнд байршуулсан билээ. Хэт даврагчдын гарт амиа алдсан залуусын нэр болон гадаад төрх нь нийтэд ил болсны дараа Этиопийн Засгийн газар энэ сарын 21-24-ны өдрүүдэд орон даяар гашуудал зарлаж, гэр бүлд нь эмгэнэл илэрхийлсэн тухай “CNN” агентлаг мэдээллээ.

Залуусыг Ливи улсад цаазалсан бөгөөд Иракийн тагнуулууд тус улсын иргэд хэмээн мэдээлсэн ч маргааш өдөр нь Этиопын иргэд болох нь тогтоогджээ.  Этиопын иргэдийн ихэнх хувь христийн шашинтай юм. Ромын хамба ламтан Францис “ИСИС” бүлэглэлийн дайчдыг буруутгаж, “Христийн шашин шүтдэг гэх шалтгаанаар тэд амиа алдах ёсгүй. Шашин шүтэх нь хувь хүний асуудал” гэж мэдэгджээ. Тус бүлэглэл энэ онд христийн шашин шүтдэг гэх шалтгаанаар 50 гаруй хүний аминд хүрчээ.

“ИСИС” бүлэглэлээс гадна Сомали улсын хэт даврагч “Аль Шабаб” бүлэглэл энэ сарын эхээр Кенийн Гарисса хотын их сургуулийг барьцаалж, 147 хүний аминд хүрсэн билээ. Хэт даврагчид “Чи христийн шашин шүтдэг үү” хэмээн асуугаад “Тийм” гэж хариулсныг нь шууд буудаж байжээ.

Б.Дэлгэрцэцэг