УИХ-ын ээлжит бус чуулган  энэ сарын 6-18 хооронд хуралдах товтой.  Ээлжит бус чуулганы хуралдах хугацаа өнөөдөр дуусгавар болж байна.  Энэ удаагийн ээлжит бус чуулганаар Засгийн газрын зарим гишүүдийг томилж, Өршөөлийн хуульд тавьсан Ерөнхийлөгчийн хоригийг хэлэлцэн хүлээн авсан билээ. Харин эдүгээ Өршөөлийн хуульд нэмэлт өөрчлөлт оруулах төслийг хэлэлцэн батална. УИХ-ын дэгээр ээлжит бус чуулганы хуралдах хугацааг сунгадаггүй. Тиймээс өнөөдөр Хуульзүйн байнгын хороо болон чуулган хуралдаж, Өршөөлийн хуульд оруулсан нэмэлт өөрчлөлтийн төслийг хэлэлцэн батлаад, ээлжит бус чуулганыг хаахаар төлөвлөж байгаа аж. Гэвч одоогийн байдлаар байнгын хороо, чуулганы хуралдааны тов гараагүй байна.

Н.Энх