Нигерийн Зумфара хотын Мару дүүрэгт террористууд халдлага үйлдсэн талаар “Ройтерс” агентлаг мэдээллээ.  Халдлагаар 36 хүн амиа алдсан гэнэ. Амиа алдагсад бүгдээрээ алт олборлогчид хэмээн албаныхан мэдээлэв. Цагдаагийнхан халдлага үйлдсэн этгээдүүдийг эрэн сурвалжиж эхэлжээ.

Замфара хотын дарга Абдулазиз Яри Абубакар “Энэ бол террорист халдлага” гэж мэдэгдсэн байна.

Ерөнхийлөгч Мухаммеду Бухари өнгөрсөн долоодугаар сард тус хотод хяналтаа тогтоохыг санаархаж буй террористуудыг устгах тусгай хүчинг илгээсэн билээ. Уг үйл явдлын дараа террористууд хотын иргэдийг хохироох нь эрс нэмэгджээ.

Гурван жилийн хугацаанд тус хотноо 500 гаруй хүн террорист халдлагаар амиа алдсан байна.

Б.Дэлгэрцэцэг