Монгол Улсын Ерөнхийлөгчийн ээлжит сонгуульд МАХН-аас С.Ганбаатар нэр дэвшээд байна. Тэрбээр цаг үеийн асуудлаар мэдээлэл хийлээ.
Нэр дэвшигч С.Ганбаатар “Ерөнхийлөгчийн сонгууль нэр дэвших шийдвэр үнэхээр гэнэтийн байсан. Хоёр жилийн өмнө би Ерөнхийлөгч болмоор л байна. Надад Ерөнхийлөгч болчихвол хийх ажлын төлөвлөгөө байна хэмээж байсан. МАХН бол жирийн ард түмний эрх ашгийг дээдэлдэг нам. Тийм ч учраас МАХН-ын дарга Н.Энхбаярыг тууштай тэмцэж энэ сонгуульд оролцохоо би илэрхийлж байсан. Олон хүн дэвших үү гэж асуухад би дэвшихгүй л гэж байсан. Харин МАХН-ын бага чуулганаас цагийн өмнө нэр дэвшихээр шийдсэн. Монголын ард түмний төлөө би зүтгэнэ” хэмээв.
МАХН-ын гишүүн О.Баасанхүү нэр дэвшигч С.Ганбаатарыг дэмжихгүй гэдгээ хэлж байсан. Энэ тухай С.Ганбаатар “О.Баасанхүү намайг дэмжиж байгаа гэдэгт би итгэж байгаа. Бид их дотно. Өнгөрсөн дөрвөн жил хамт доромжлуулж зүдэрч явсан. Тийм болохоор намайг дэмжиж байгаа гэдэгт итгэж байна” хэмээлээ.
Монгол Улс тав дахь Ерөнхийлөгчөө ирэх зургадугаар сарын 29-нд сонгоно. Ээлжит ерөнхийлөгчийн сонгуульд МАН-аас М.Энхболд, АН-аас Х.Баттулга, МАХН-аас С.Ганбаатар нар нэр дэвшээд байна. Сонгуулийн ерөнхий хорооноос санал хураах өдрөөс 30 хоногийн өмнө буюу энэ сарын 27-нд нэр дэвшигчдийн үнэмлэхийг гардуулна.
Г.Тэгшсүрэн
Уншиж байна |