УИХ-ын гишүүн, АН-ын бүлгийн дарга Д.Ганбат Ерөнхийлөгчийн сонгуульд тус нам хэрхэн оролцох талаар байр сууриа илэрхийллээ. Тэрбээр "АН хоёр талд их хурлаа хийсэн. Би хоёуланд нь очиж суусан. Бас Ерөнхийлөгчийн сонгуулийн сунгаанд хоёуланд нь нэр дэвшсэн. АН, ардчилагчид бүгд эв нэгдэлтэйгээр нийлж байж энэ улс оронд ардчилал байх, байхгүйг шийдэх ёстой. Хэзээнээс илүү ийм шаардлагатай цаг үе ирсэн байна. Үүний төлөө үг хэлэхээс гадна үйлдэл давхцах ёстой.
Ерөнхийлөгчийн сонгуульд АН нэг нэр дэвшигчийг дэвшүүлж, иргэдийн саналыг хуваахгүй байхын төлөө ажиллаж байна. Цаг хугацаа байгаа учраас бид хамтран ажиллах талаар ярилцаж байна" гэсэн байр суурийг илэрхийлэв.
В.Бат