Даваа гарагт УИХ дахь намын бүлгүүд хуралдаж энэ долоо хоногт байнгын хороо, чуулганы хуралдаанаар хэлэлцэх асуудлаар байр сууриа нэгтгэдэг юм. 

Тэгвэл Ардчилсан намын бүлэг хуралдаж, хуралдаанаас гарсан шийдвэрийг танилцуулж байна.  УИХ-ын гишүүн Д.Ганбат "Монгол Улс байтугай дэлхий нийтийг сэрдхийлгэм гэмт хэрэг гарлаа. Бага насны эмэгтэй хүүхдийг цагдаагийн дөрвөн алба хаагч бүлэглэж хүчиндсэн. Ийм харамсалтай гэмт хэрэгт Засгийн газар хариуцлага тооцож огцрох ёстой. Хэвлэл мэдээллийнхэнд баярлалаа ил гаргаж тавьсанд. Тэгээгүй бол дарагдаад өнгөрөх байжээ. Ийм зүйлийн хажуугаар дуугай өнгөрч болохгүй. 

Мөн Баянгол дүүргийн 309 дүгээр цэцэрлэгийн багш хоёр настай хүүхдүүдийг хүлж зодсон хэрэг гарсан байна. Хамгаалалтад байлгах ёстой хүүхдүүдийг ингэж зодож болохгүй биздээ. Тэгвэл дээрх буруутай этгээдүүдэд заавал хариуцлага тооцох ёстой цаашид ийм гэмт хэрэг гаргахгүйн тулд бүх шатанд ажиллах ёстой гэх байр, суурийг Ардчилсан намын бүлгээс илэрхийлж байна. Энэ мэт хүний эрхийг хангадаггүй, хууль зөрчдөг зэрэг асуудлаас үүдэн Засгийн газар ёс зүйн хариуцлага хүлээн бүрэн бүрэлдэхүүнээрээ огцрох ёстой. Ёсзүйн хариуцлага хүлээдэг албан тушаалтан гэж алга. Хууль тогтоодоггүй байгууллагаар хууль тогтоолгодог болжээ. Цаашдаа ямар ч гэмт хэрэг гарахыг төсөөлөшгүй нь" гэв.